[روعة1]

ممكن نعتمد على كتير قصص
من تراثنا ما يسمى بالعذراى او الزانيات المقدسات والتاريخ موجود اذا بتحبي تقرأيه

شيلك من التراث هيدا حكي فاضي وما بيأمن فيه غير شلة هالمثقفين بعرف هالحكي ....
تركيا دولة ثقافتها العامة متل ثقافتنا ك شعب سوري حتى في كتير قصص من تراثنا مشتركة ...
وتاريخ ما قبل أتاتورك موحد تماما حتى إنه سوريا بكتير أحيان كانت بالوعي العام علمانية أكتر من تركيا ..
مع ذلك بتركيا تقبل الشعب العلمانية وتشربها...وحاليا تركيا مجتمع علماني ويتضمن ذلك حرية الجنس...
وصلت فكرتي
تحياتي الحارة
ظل جيفارا

انا ما رح قلك كلامك خطأ.. بس هو مالو علاقة بموضوعنا و نحنا هيك فتنا بنقاش تاني مالنا علاقة فيه بموضوعنا..
و اذا كنت بتقصد انو المفروض بما انو سوريا بلد علمانية المفروض تحتذي بتركيا و تكون نفس التطبيق فبحب فكرك انو ممكن تكون سوريا في اغلب التطبيقات دولة علمانية صحيح و هدا فيك تقول عنو بايطار الحكومة بس .. بس ما فيك تقول و تعمم انو الشعب السوري مقتنع بموضوع العلمانية و عم بطبق اي شي بعيد عن الدين اللي بآمن فيه و كما هو معروف انو اغلب الشعب السوري شعب يعترف بدين معين و يعتمد عليه في اغلب اموره بعيد عن العلمانية.. منشان هيك مافينا نحنا نعتمد على هادة الموضوع ونعمم..
و بكل الاحوال انا برايي انو هادة الموضوع بيرجع لقناعات شخصية يعني ممكن اي انسان ازا اقتنع بهل الشي يمارسو لكن ابدا ما رح يكون هل الشي اللي هو اقتنع فيه و مارسو صحيح عند اي انسان تاني عم يطبق امور دينو على اكمل وجه..

يا عيوني لاعطيكي مثال بسيط لبسطلك الامور بلكي بتصل الفكرة

شكرا كتير ع التبسيط فضلتي على راسنا بهل الفكرة اللي بسطيلنا اياها بس كأنك ماجبتي شي جديد ..!!
و يا ريت مرة تانية لا تبسطيلي و اعطيني افضل الاساليب المعقدة عندك تأكدي بالنسبة الي رح تكون مبسطة..

..هلق هون اخوية مجتمع مصغر..ازا متل ما بتقولي انو الدين بيحكمنا وبالتالي ماراح نعملو وبالتالي مرفوض وبالنتيجة هو تقليد..كان كل هالنقاش من الاول سكرناه وما حكينا فيه الا ضد ضد ضد ضد وانتهت القصة وانتهى النقاش!

هون عم تلعب التقاليد دورا...كل واحد هون من مكان وكل واحد عنده تقاليد ماشي عليهن بقا بالتالي اختلفت الاراء وصار في مع و ضد

مين قلك انو انا رافضة فكرة النقاش و ما بعرف انو اي فكرة بالدنيا كلها قابلة للنقاش والا ما يكون في ناس معارضين الها حتى لو كان الصح فيها متل عين الشمس..
وما دام مقتنعة انتي انو في ناس مع الفكرة و في ناس ضد الفكرة انا ما قلت شي و من البداية لما حكيت قلت هادة رايي.. ووضحت انو هل الشي غير اني انا شخصيا ما برضى فيه كمان مجتمعنا ما بيرضى فيه لعدة امور انا زكرتها سابقا..
صفا المعارض لرايي يوضحلنا ليش من الصح هل الشي اللي هو عم يطالب فيه..

و اذا متل ماعم تقولي كل انسان عنا هون من مكان و كل انسان عندو تقليد و ماشي عليه و مقتنع فيه معنى هل الحكي انو انا قلت رايي حسب اللي شايفتو صح ومعتقدة فيه مع احترامي لكل واحد ومعتقداتو و اللي متعود عليه و اللي شايف برايي خطأ يا ريت يوضحلي شو الخطأ..

وبكرر شكري الجزيل لتبسيطك الفكرة و بتمنى انو تكون فكرتي مبسطة بالنسبة الك..