اقتباس:
كاتب النص الأصلي : رجل من ورق
اهلا بسامر من جديد
|
أهلين فيك
اقتباس:
ارتبط اسمك بزياد متل ما قلت من قبل وبحوار سابق قلت
زياد شو طبع بحياة سامر ؟ موسيقيا فكريا وشخصيا
|
على أيامنا ( ببداية التمانينات ) كانو قلال بسوريا يللي سمعانين بزياد الرحباني
كنت إذا طلبت شي لزياد من محل كاسيتات ( لسا ما كان في cd ) يفكرني صاحب المحل عم اتمسخر عليه ..و نضطر نشرحلو أنو هادا ابن فيروز و بيشتغل موسيقى .. و من هالحكي ليقتنع أنو عن جد في حدا بهاللاسم
بذكر كنت مد اسلاك على سطح البيت و أوصلون بالراديو .. لأقدر القط صوت الشعب ..و نسمع زياد
اكيد كان الو أثر كبير .. يمكن لأنو بلشنا نسمعو على بكير
يمكن لأنو لأول مرة منشوف حدا بعبر عنا .. أو بيقدر يحكي يللي بفكر فيه بصراحة .. و بجرأة
أول مرة منشوف حدا عم يحترم تفكيرنا .... و عم يحكيلنا عن واقع عاري .... مو مثاليات متل ما كنا نشوف بمسرح الاخوين رحباني على سبيل المثال
يعني بتقدر تقول .. طبع بحياتنا شوية جرأة على شوية تمرد ........ مع حبة أمل