اقتباس:
انا معك بهالنقطة ... وغيرها ... انو بوثيقة الاسرى ... او ما سميت وثيقة الوفاق الوطني ... ياللي وقعتها كافة فضائل وحركات ومنظمات المجتمع الغزاوي-الضفاوي ... فيها اشارة ضمنية لهالحكي ... بما معناه ... انو كل التنظيمات اتفقت على بيع هالشغلة ... لكن المشكلة هي الاختلاف في كيفية تفريق السعر ... لهيك تقاتلو فتح وحماس على باب المدرسة ...
بانصحهم يقرؤو نص اتفاقية عباس - بيلين  ازا سمعو فيها
|
انو لأ احنا عالم جاهلة ومش سامعين بولا اتفاقيات ولا اشي
وحاشاكو الانهزامية والتشاؤم !!
احنا شعب لئيم ومسؤول عن كل شي بيصير فيه !
احنا السبب في انو تركتو كل شي وطلعتو وصار عنا مشكلة لاجئين واحنا اللي كنا ورا توقيع كل الاتفاقيات !!
واحنا اللي طالبنا ببناء الجدار العازل عشان نطبق المثل اللي معناتو انو كل جار بحالو!!
واحنا اللي قررنا انو كل زعيم بيجينا بيقعد عالكرسي وما بيقوم وبينهب فينا وبيوقع في اتفاقيات من راسو !!
انا اللي عملنا كل هالحكي واحنا مؤيدين للمفاوضات ولحل الدولتين !!
عالم الخيانة بدمنا وتركنا الوطنية لصحابها !!!!!!!!!!!!!!!!!!!
السؤال كان للاجئ الفلسطيني لا لابو مازن ولا لحدا تاني فبلا منها المزايدة والحكي الفاضي اللي ما الو معنى ولا نكهة ولا لون وبلا من الاستهزاء الفارط !!
هيك البلد وهاد الوضع اللي فيها وينعن اللي عايش ببلد عربي ولا مهجّر ع بلد اجنبي ورضيان بالحالة اللي هو فيها والو ايد بسياسة البلد ولا بقرارات اللي فوق !!
احنا مش شاذين عن القاعدة احنا كمان ما النا ايد باللي بيصير فوق !!
ولا كانلنا ايد باتفاقية اوسلو!! احنا زينا زيكو تماما بأي بلد عربي النا موقف ولحكوماتنا موقف تاني مختلف كليا !!
هاي اول رد الي
اقتباس:
اللي انا بعرفو انو كتير لاجئين من اللي عايشين ظروف منيحة ما بيفكرو يرجعو عهالبلاد !!
مع هيك حق العودة حق مقدس ولا يمكن نتنازل عنو !
|
و بالنون اللي بنتنازل قصدتنا احنا الفلسطينية اللي بالضفة وغزة احنا اللي مش كسبانين اشي من ولا حدا ولا عارفين الله وين حاططنا فلشو لزوم الحكي اللي ما الو طعمة تاع حق العودة و الدم الفلسطيني ؟ وعلى اي اساس بينحكى ؟؟ وشو التهمة الموجهة للعالم العايشة بالضفة وغزة ؟؟انتهكوا حرمة الدم الفلسطيني ؟؟؟
هه! العالم بهالبلد بطل فيها حيل حتى تنتهك !! وبعيد وبكرر مرة تانية عشان اللي ثقافتو سنسكريتي فش مواطن فلسطيني ممكن يفرّط بحق العودة ولا اي
انسان فلسطيني بيسكت ازا واحد من ولاد ال** اللي ماسكين البلد بيفرط فيه !!
اما الاخ اللي بيحب نحرقو ببنزين
اقتباس:
اما حق الرضعة ... سوري قصة الرجعة ... متل ما حكت جيفارا 7 ... مش غلط انكم تحلمو ... بس الغلط انو الاحلام تعمي عيونكم عن الواقع ...  بس يوم ما ترجعو تعالو احرقوني ببنزين
|
...
في مثل شعبي بيقول احترنا يا قرعة من وين نمشطك واعزرني ازا اسلوب الكلام بيلقش بمستوى القسم ازا انت عايش بغزة مفروض لاحظت انو ع ايام دحلان الناس كانت تحلف باسمو و ع ايام هنية الناس هلأ بتحلف باسمو زينا زي ا حدا تاني بنهلل وبنكبر للحاكم مين ما كان !! ولو لاحظت كمان انو دايما في مواطن بيأيد ومقرب من الحاكم بيستفيد عالجهتين الغزيين مش كسبانين اشي وما الهمش باشي ومش عارفين شو اللي بيصير !
اما نحلم انو اللاجئين يرجعوا فمش حكي شعارات بس هاد هدف اكتر منو حلم حتى لو كان صعب كتير يتحقق بيضل الهدف اللي موجودين عشانو لما بنتخلى عن هيك اهداف بل القضية واشر ب ميتها او احرقها ببنزين بدل ما نحرقك فيه احنا مقاومتنا عشان شو بدها تكون ؟؟!
اما الاخت اللي بتحب الغبرة فيا ريت ما تحاولي تحرفي الكلام ابدا !! ويا ريت ما تحاولي تستنبطي اشياء منو ويا ريت نحاول نبعد الذكاء الخارق عنو كمان
ما حدا بيحكي انك انهزامية ويا ريت تقرأي الجملة وما تدوري ورا الاسطر !!
بعدين عارفين شو هي مفاوضات الحل النهائي وعارفين شو يعني حل دولتين وعلى حد علمي بنضطر نقرأ اخبار البلد لأنها بتأثر ع ابسط اشي بيومنا ..
تاريخنا بنعرفو وشايفينو والبعبعة عالفاضي مش اسلوبي!! يا ريت بلا منو الانفعال والاستعراض والحكي الفاضي هاد كلو ويا ريت تعرفو ع ايش بتردو قبل ما تردو !!
حاليا انا عاطلة عن العمل يعني لا بمثل سلطة وطنية ولا اي حركة فلسطينية تانية انا بحكي بلساني انا مواطنة فلسطينية عندها افكارها وقناعاتها وبتقرأ اخبار بين الفترة والتانية
