بما انو انعمل up للموضوع .. وانعمل ..
رح جاوبك على بعض الاسئلة ..
وما فيني احكي من وجهة نظر كل الملحدين .. عم بحكي من وجهة نظري .. وبس
اقتباس:
|
انو شو الي بيخلي الانسان يفكر بالالحاد او شو هي الظروف الي خلتو يفكر بهالشي
|
انا .. ما كنت مفكر بالالحاد .. بس السبب هوي التعمّق بالدين اللي خلق فيه
والانتقال للاديان الاخرى ..
فا .. بيوصل بالآخر لهالفكرة
اقتباس:
|
تانية اذا كان الالحاد هو الصحيح كيف فينا نفسر قصة الخلق والي هي دوامة الها اول ماالها اخر
|
في كتير من النظريات حول هي النقطة بالذات ..
منها نظرية داروين ..بعتقد انو بتعرفا .. وازا ما بتعرفا .. موجود بأخوية مواضيع عنها .. و أي سؤال تاني .. لعيونك
اقتباس:
|
وهل فكرة الالحاد يعني متل مابيقولو ريح بالك انو مافي الله وخلص شو بدي بوجع هالراس
|
هلأ هون اكتر فكرة مغلوطة ..
انو خيو الملحدين مريحين راسهن من هادا الشي اللي اسمو الله ..
وما عم يفكروا فيه ..
وبرد بقلك انا عم بحكي من وجهة نظري ..
الانسان الملحد .. بيتعب اكتر بكتير من الانسان المؤمن .. لأنو المؤمن هوي اللي مسلّم انو في اله .. وشو ما عملت .. آخر شي رح ارجع لعندو
اما الانسان الملحد .. بيتم عم يفتل على اسئلة .. وبأغلب الاوقات بتكون بتفجج الراس .. من كتر الجدال اللي داير حواليها .. ومثال بسيط .. قصة الخلق .. او بداية العالم ..او الانفجار الكبير
..
اقتباس:
|
اما تالتا لاني كنت ناوي انزل موضوع عن الالحاد لكن لما عملت بحبشو ونكوشوة لقيت هالموضوع فقلت خلينا نكفي هون
|
اهلا وسهلا فيك يا سيدي .. واي اسئلة تانية .. بجاوبك عليها .. انا او اي حدا من الشباب
هاموش :
كررت كتير فكرة انو انا عم بحكي من وجهة نظري فقط .. كأنسان ملحد
لأنو متل ما قلتلك .. في كتير قناعات ممكن تكون موجودة عندي ما موجودة عند غيري ..