[ظل جيفارا]

كاتب النص الأصلي : yass

هلأ لكل شي بالدنيا بدنا نطالعلو لوبي؟؟؟ معقول؟؟, هلأ بالولايات المتحدة المثليين مالهون حقوق بشكل عام ( في ولايات قليلة عم تحاول بس مو طالع شي) يعني لو في لوبي كان أثّر هنيك...
قاموس الأمراض مو شغل سياسيين و لا هو دفتر سمّان لحتى تنشال و تنحط أمراض ع كيف العالم, في كتير من علماء النفس و الغدد بحثوا على مدى سنين للوصول الى قناعة بـأنو ليس مرض, و فيني أأكّد انو أغلبهون عمل دون قناعة دينية أو فكرية بهالشي لكن عرفوا أنهون أولا و اخيرا علماء و العلم تكلّم
لحد ما نتعلّم نعطي ما لله لله, و ما لقيصر لقيصر راح نظل نتخبّط
تحية

تحياتي ايضا .... يا صديقي انا ما عم جيب اللوبي من عندي معروف انو في بفرنسا لوبي مثلي شارك بأخر مظاهراته اكثر من مليون متظاهر والقصة التي تناقلتها وسائل الإعلام عن شاب نسيت إسمه دفع له مبلغ معين من المال لكي يقف بالصف الأول لإن له وسامة فوق طبيعية ولم يكن يعرف لما المظاهرة إلا عندما إتصلت به والدته لتسأله عن سبب مشاركته .والقصة اشهر من ان يحكى عنها
ايضا في الولايات المتحدة الأميركية يقال ان المنتمين إلى منظمات الدفاع عن المثليين قدر عددهم بمليوني شخص
هي المنظمات كلها عم تعمل لتحاول تحصل على ما تسميه حقوق المثليين . وهي موجودة ومعترف عليها حتى انو بشرقنا العربي في بلبنان منظمة كمان تسعى لنفس الهدف إسما حلم
يعني هيدول بأكبر دولتين فعليا بالعالم موجود تنظيمات مثلية وفيك تقلي انو مانها عم تسعى بكل الوسائل بس لحتى تحصل على " حقوق المثليين " وانا قلت ليش انا معارض الفكرة لإنه متى ما سمح بتداولها قانونيا رح تنتشر بشكل اكبر بكتير من ان يسيطر عليه مما يؤثر على استمرارية المجتمع والجنس البشري .
وانا اعطيت مثال من المراهقة . وقلت كيف ممكن تصير القصة .

كاتب النص الأصلي : Syrian Gay

هل من المعقول أنو بسبب ضغوط تم إزالة المثلية من قاموس الأمراض ؟
شو هالضغوط هاي ؟ صير منطقي شوي ..
هل من المعقول أنو مافي ولا دكتور غربي بيتحدى فكرة إزالة المثلية من قاموس الأمراض ؟

يا صاحبي بإعتبار القصة تثير اهتمامك اكثر من ان تثير اهتمام اي شخص اخر .. ومع تعاطفي الكامل .
اقول انت تعلم اي لوبي اقصد وتعلم انه موجود وتعلم كيف استطاع ان يحصل على الأعتراف الطبي بسلامة المثليين .
سيدي الكريم انا لم اقصد ابدا التعامل مع المثليين بالقسوة التي طرحت في الإستفتاء بالنهاية انا اتمنى ان يؤخذ الموضوع حجمه العادي في ظل دراسة الوضع الإنساني والنفسي وخصوصا في فترة المراهقة كما سبق وذكرت وذلك لكي نتمكن من ايجاد الحلول
وتحياتي الحارة
ظل جيفارا