من فترة قريت موضوع بخصوص الوسواس القهري, كان في بعض الأبحاث يللي تم فيها ملاحظة اختلاف بتوزيع الوسيط الكيميائي " السيروتونين " بالدماغ عند المصابين بالاضطراب .. طبعاً باستخدام الـ Pet scan .. بس كمان المرجع يللي قريت المقال منّو بيقول بأنو الباحثين مش متاكدين بالتحديد شو هي أسباب الوسواس .
بس بشكل عام و كدراسة لشخصيّة المريض اجتماعياً فرح تكون شخصيّة ضعيفة نوعاً ما و غير مستقرّة و انا من رأيي الشخصي بظن بأنو الوسوسة بدل على عدم مقدرة المريض على سيطرة بعض الأفكار السلبية الملحّة يللي بتجول بخاطره .. أغلب هي الأفكار بيكون منشأها توقع الأسوأ يعني تصور المريض بأنو رح يفشل بشيئ متل خوفه بانو ينفصل من العمل أو خوفو من الاصابة بالامراض و أمور كتيرة .
أما عن العوامل التانية يللي بتسبب المرض فمنها العامل الوراثي يللي مازال في طور البحث , التوائم المتطابقين او المتشابهن في عندهن احتمال كتير كبير لمشاركة الاضطراب هاد .
المرأة ممكن بيطور معها الاضطراب من بسيط لحالة متطورة بعد الولادة
الخوف من الأمراض بيدفع الشخص للوسوسة بالنظافة
سوء معاملة الاشخاص ممكن بيدفعهن لتصور هواجس عنف
الامور الحياتية متل مشاكل العمل او المدرسة أو العلاقات أو تغيير السكن كمان هي بدورها بتلعب دور كبير بشخصية الانسان و بتدفعو للقلق او الوسوسة .
كمان قريت عن الاصابة بالعُقديات Streptococcal infection عن الاطفال ممكن تثير هاد الاضطراب , طبعاً هي نيجة لدراسة جديدة .
متل ما حكيت انا برأيي الشخصي المشكلة تكمن بضعف الشخصية و ترك بعض الأفكار السلبية أخذ حيّز كبير من تفكير المريض .
Flush it down the Loo
|