[عاشق من فلسطين]

اخ أبو عبسي
أول شي أنا سوري ..
وتاني شي

على فكرة أنا كمان أول مابلشت أكتب كنت عم بكتب عن فلسطين ولكن اكتشفت أنني لا أعبر عن نفسي بل أقوم فقط بصياغة الأفكار المحشوة في رأسي منذ الصغر و إنني لن أكون سوى واحد من العشرات الذين يكتبون لفلسطين,

تماما" .. وانا كمان هالكتابات هيي ببداياتي ..

أما بالنسبة لكون الشاعر إنهزامي فأنا للأسف برفض هالحكي لأنو الشعر مانو لعبة بإيدينا حتى نحددلوا غايات و أهداف.. الشعر أهم من هيك و أحلى من هيك.

أنا لم أقل أن الشاعر انهزامي .. الرجاء اعادة قراءة ردي بامعان .. أنا قلت

يعني هادا النمط من الشعر هوي نمط بيقوم الشاعر فيه بدور المنهزم (وهو ليس كذلك) لكي يحرض الهمم .. وليقول له أحد أن كلامك مخطىء.. وبذلك يصل الى الهدف ..
بس للأسف ماحدا قلي هالشي غير شاعر متلي ..

هكذا كان ردي ..
وبالنسبة لقيمة الشعر .. فانا معك أنو الشعر أكبر من هيك وأرقى من هيك .. بس في فكرة ..أنت لازم تهيء قارئ يقرأ الشعر اللي هوي أسمى من هيك وأرقى من هيك .. لأنو الشعر هو رسالة للناس وليس ملكا" للشاعر .. فلا يوجد شاعر يكتب لنفسه الا ويصبح شاعرا" فلسفيا" (وأدونيس أكبر مثال على ذلك) ..

نزار قباني قال:
أيا وطني جعلوا منك مسلسل رعب
نتابع أحداثه في المساء
فكيف نراك إذا قطعوا الكهرباء؟
و هاد اللي صار
صار الوطن و صارت فلسطين مجرد دعاية للزعماء العرب

أنا معك .. بس كمان الحل مو أنو ننسى فلسطين ... ولا أنو نطالب فيها هلا .. أنا كنت أكتب أول شي عن فلسطين لأنو اسمها من الصغر محفور عميقا" بداخلي .. من المسلسلات .. والأغاني الوطنية .. والشعراء .. وكنت مندفع كتير بالكتابة عنها أول شي .. بعدين اكتشفت أنو .. مو هاد الحل .. الحل هوي انو نحاول نحرر الانسان الحبيس بداخل الشعب .. ومن ثم نطرح عليه فلسطين .. وبهالطريقة رح يحس فيها ..

أهذه أحسن طريقة أوجدها للنضال يا أخي العالم و الناس فاقت كلها و ناطرة مين يبلش , و ما حدا عم يتجرأ, بجوز أنت هالواحد و بجوز غيرك بس أنت شوف كيف الكل رح يكونوا ورا هالشخص بس إذا يدأ ..فكفايتنا شعر و قصايد عن فلسطين لأننا بهالحالة عم نضرها أكتر ما نفيدها.

كلام مظبوط .. الناس فاقت بس بعيونها بس .. أما بداخلها فالانسان نايم فيها .. لذلك .. لازم يكون الشعر بهالمرحلة لتحرير الانسان اللي بالداخل .. ومن ثم طرح أي قضية نضالية ..

وانا برجع بقلك هي القصيدة قديمة .. ومن أول ما كتبت .. ورغم كل رومنسيتها وخروجها عن التفعيلة في كتير من المواضع ... بس انا الها مكانة خاصة بقلبي .. يعني متل القبلة الأولى ..

على فكرة أنا بتمنى تقرأ قصائدي القديمة اللي كاتبها بمنتدى الشعر .. وتنقدني ونتناقش فيها لأنو حاسس أنو هالشي مفيد لألي ولألك ..
يعني أخيرا" اجا حدا على المنتدى يملك الجرأة أنو ينقد ..