[mary belle]

كاتب النص الأصلي : Elephant And Castle

السنة مؤكد دعمون للمستقبل

مش كلن..

..و الشيعة لبري و حزب الله

اكترية الناس معن ايه .. بس مش الكل لأنو في كميه منن مع الحزب و امل..

..و الدروز لجنبلاط بمعظم أصوات الطائفة ...ما في شك ...

لأ في دروز مع المير ارسلان و دروز وهاب..ما لازم حدن يستقل فين لأنن بيطلع منن اصوات..و جنبلاط مناصرينو ما بهن شي كمان..

الصراع يلي بدو يحدد الفريق الفايز رح يكون عند المسيحيين يلي منقسمين بين عون و الكتايب و القوات ...

و نسيت كمان انو في مسيحيي زغرتا يللي هني مع فرنجية (تيار المردة) و الاكتريه بالمتن مع المعارضة يعني هي اللوايح رح تتصدر هونيك و ان كانت عأصوات متقاربه..

بس عندي مؤشر انو القوات و الكتايب بدون يربحو الأنتخابات ,,المؤشر هاد الأنتخابات الفرعية يلي صارت بالمتن من فترة سنة و شوي ,,,ربح عون بالفعل ,,بس بفارق اصوات قليلة جدا ,,,بينما كان الفارق بأنتخابات المتن بال 2005 اكتر من خمس و عشرين بالمية لصالح عون ..و هاد الشي كان بسبب عدم رضى بعض المسيحيين على تحالفو مع حزب الله ...

بس هلأ الوضع اختلف..والمسيحيين بهالفترة قدرو يحددو اي من هالقاده بيقدر فعلا يقودن بحكمه و ضمير و بدون زتزتت حكي ما الو عازه..و خاصة الحكي حول السلاح

اذا بتحسب النقصان هاد كام كرسي رح يعطي للكتايب على حساب عون ..رح يطلع معك انو الأكثرية رح تزيد من مقاعدها ,,,مو بس رح تربح يعني ,,

اها انت محلل اوضاع سياسيه؟؟
المعارضة هي يللي رح تربح و باصوات اعلا من الكتريه بفرق منيح..
و هالشي بيخليهن يرفعو راسن اكتر و يقولو ربحنا بجداره..
و يللي كان عم يتنبأ و يحكي طالع نازل و يعمل حالو الله و اسماله يغطي راسو بالرمل و لنشوف شو رح يسير بكرا..

بكرا ببين كل شي و السما زرقا

تكهنا بقول انو الشي يلي حصل عليه المعارضة بأنتخابات ال2005 كان هو السقف الأعلى للشي يلي ممكن يحصلو عليه ,,


بس بتبقى الساحة معرضة لأي نوع من المفاجآت

و انا بأيدك بهالشي و كل يللي نحنا عم نقولو هلأ بكرا بأرض الواقع ما حدا بيعرف شو بدو يسير ..

نلتقي يوم الاتنين بإزن الله