اقتباس:
كاتب النص الأصلي : حنين.
ماذا تتمنى ان تحقق لغيرك؟
|
بتمنى إعمل شي فيد فيه بلدي, مجتمعي, والناس إلي حواليي ضمن إمكانياتي
اقتباس:
ماهو اكبر طموحاتك؟هل تعتقد انه ممكن؟
|
إني حقق السعادة وراحة البال لأغلى تنين على قلبي على وجه الكرة الأرضية, إمي وأبي
ممكن إني عيشهن بسعادة وريحهن بس أد ما رح أدملهن رح ضل مقصر بحقهن
الفشل هو المُرافق الدائم لإلي, كل الأشياء إلي بعملها ما بتنجح من أول مرة دايماً بحاول مرة وتنتين تلاتة حتى تنجح, لهيك في عندي خوف كبير منّو لأنو مو دائماً بناخد الفرصة حتى نعيد الشيء إلي فشلنا فيه.
بخاف كتير منّو لمّأ كون عرفان إنو ماعندي فرصة تانية
اقتباس:
ماذا لو دفعت بك رياح القدر بعيدا عن هدفك الاسمى؟
هل ستتناساه وتكتفي بالعمل كي تعيش؟
ام ستواصل التحدي للرمق الاخير؟
|
الإكتفاء بالوضع الحالي دون السعي لتحسينه بيتعلق بالظروف المحيطة, يعني أنا ممكن يكون إنتاجي بطريق تحقيق هدفي جداً ممتاز بس مرّات بنتعرض لظروف خارجة عن إرادتنا صعب الإنتصار عليها وممكن يكون مستحيل بتوقفنا عن تحقيق هدفنا, ممكن توقفنا لفترة زمنية معينة وبعدها نرجع نتابع وممكن توقفنا بشكل لا رجعة فيه
اقتباس:
او تراك تلجأ لتغييره الى هدف نبيل آخر اقل سهولة؟
|
تغييره بيتعلق بالظروف المحيطة متل ما حكيت قبل شوي, لهيك ممكن كتير إني استبدلوا بشي ضمن الإمكانيات والظروف المتواجدة
لمّا يكون تأثيروا على شخص واحد, إلي هو أنا بس فالتحدي واجب لأني أنا الوحيد إلي حيخسر هالتحدي وما رح يأثر عالناس إلي حواليي
اقتباس:
ومتى يصبح ضربا من الجنون؟
|
لمّا خسارتي للتحدي حيكون إلها تأثير سلبي على عيلتي, على أصدقائي
في مقولة بتئول مافي شي مستحيل بس في شي صعب وفي شي سهل
ترجع فلسطين
أنا الدمَشقي لو جرحت جسدي .... لسال منه عناقيد وتفاح