اقتباس:
كاتب النص الأصلي : المحارب العتيق
يرحم جدك . سلف روء بس تقرا ردي وخدني بحلمك
|
خال و الله عم تعيل علي... عن جد عم قلك..
يعني بالموضوع هداك وزعتلي باقة من الاتهامات و ما رديت عليي فيهون
طيب مو مشكلة.. خلص باخدك بحلمي (حلمي مراد يمشي الحال؟ صحيح مين حلمي مراد؟)
اقتباس:
أما قصة انو في جهات ماعندها خبر . ضحكتني يازلمة . ليش من ايمتا بيتاخد رأيهم
|
بيسعدني اني ضحّكتك... صدقاً هالحكي, الله يديم الضحك و البسط لألك و لألنا و للجميع
بس قبل ما تضحك ع كلامي حاول تفهم مني ليش حكيتو.. انت عم تقول ما نعرف من وين طلعت اللجنة.. و أنا عم قلك انو هدول الجهات كلهون قالو انو من عندون ما طلع حدا... هاد القصد
اقتباس:
رح يصير تجييش ضدو بكلام بيلعب بالعواطف وبيثير الغرائز بين الطوائف . متل ماعم يصير بأغلب المواقع يلي عم تهاجم المشروع ومنها هون .( المسيحي درجة تانية . المرأة موطوئة . القانون طالباني وغيرها )
|
ياخي أنا لهلأ ما شفت منك تفنيد... شفت منك اتهامات بعدم الموضوعية ( و الكذب تجاوزاً)....
انت عم تطعن باللي ضد القانون... و هالشي (طالما حكيت عن التجييش العاطفي) بيعطيني الحق اني قول انو فقط كون المشروع يحمل اسم انو الو طابع اسلامي بيخلي حدا اسلامي بيقول انو منيح... و هاد تجييش عاطفي كمان, و اذا بدك لعب على وتر التديّن بالبلد
شريك بقلك ياها بكل صدق - و المعزّة و الصداقة ع جنب- انت ما عم تاخد مقابلك محمل الجد, و هالشي بعتقد انو لازم يخلّيك تتوقّع انو هالطرف يتضايق.....
أنا ادليت بدلوي و حكيت رأيي, و بالنهاية اذا بدهون يمشّوه رح يمشّوه غصباً عن الكل... بس بيظل في حسرة بالموضوع