محمد ابراهيم.. يا ريت شفت أكتر من اللي اقتبستو من ردي.. شكرا على أي حال.
ناشت...
اقتباس:
لاء أبداً ..أسباب تخلفنا بعيدة كل البعد عن حقوق الملكية الفكرية ..أساساً عندما غرقنا في التخلف لم يكن هناك أصلا معنى لعبارة ( حقوق ملكية فكرية )..و أيضاً عندما كنا في مقدمة ركب الحضارة لم يكن أحد سمع ب ( حقوق ملكية فكرية ) ...و رح أعطيك مثال بسيط ...الصين اللي أنت شكلك ما بتحبا ....بتورد لنا برامج مقرصنة ( اللي يكتر خيرا ) و ليك وين صارت ...(إلا اذا بدك تقلي أنو الصين متخلفة ..ترى بكون حديث تاني ) .....
|
أبدا أبدا يا سيدي...اصلا أحسن عقول بلادنا عم تضل بالبلد.. يا سيدي برافو... برافو... أصلا الصين عباقرة... هم المخترعون..وهم المبدعون.. ولم يتسلقوا على أكتاف الغرب أبدا... أبدا أبدا...
اقتباس:
يعني تماماً أنت عم تأكد ع الشي اللي حكيتو أنا ....حقوق الملكية الفكرية التي تدافعون عنها هي جزء من منظومة رأسمالية تهتم أولاً و أخيرا بحسابات الأرباح و الخسائر ...و هنا أقصد الأرباح و الخسائر المادية تحديداً !!!
طبعاً بدولنا العربية عنا مجموعة نماذج قزمة لحقوق الملكية الفكرية بتتمثل بشكبات الانتاج الفني و ما جر جرها من عقود الفنانين الاحتكارية ....
و من الناحية النظرية الرقي الفكري لا يتجزأ ..(بمعنى ما فينك تكون راقي من هالناحية ..و مبهدل من الناحية التانية ) ..و اذا افترضنا أنو هالشركات هي بتملك الرقي ( اللي عم تتهمني حضرتك أني بفتقدو ) من خلال كونا شركات كتير بتهتم بحقوق الملكية الفكرية ..فشي كتير غريب قديش انتاج هالشركات ( الفني ..الفكري ..سمي اللي بدك يا ) كان مبتذل ..منحط ...و تافه !!!!
هاد الشي بأكد بأنو الدفاع عن ما يسمى ( بحقوق الملكية الفكرية ) ما هو إلا دفاع عن مكاسب ( مادية ) ممكنة ..أو محتملة ...و ما ني شايف في أي نوع من أنواع الدفاع لا عن الرقي ولا عن التقدم ..و لا ممكن يكون باب للخروج من التخلف .
|
يبدو أنك شيوعي أو شتراكي التوجه...
شو يا.. مو عاجبتك المكاسب المادية؟ بتشتغل ببلاش؟ أنا برايي أنو تدبرلك شي شغلة ببلاش منشان تقاوم الرأسمالية الشريرة.
الفني منحط.. بس الفكري منحط؟ كيف جمعت هالكلمتين؟
نقطة أول السطر.
اقتباس:
أما اذا كنا نعي قيمة الفكر أو لاء ...بعتقد هاد سؤال أكبر من حجمك .. ( مو لأنو حجمك صغير لا سمح الله ..أو انتقاصا من قدرك ) بس لأنو يعني قياس وعي الاخرين لقيمة الاشياء عملية بتتطلب أكتر بكتير من التكبيس ع زرار الكيبورد .
|
سيدي... رجل كرسي.. رجل طاولة... مو مشكلة... كبيس كيبورد... مو مشكلة... ما رح اعتبرها اهانة.. رح اعتبرها طيش.
اقتباس:
اذا كان هالحق هاد مانو مادي ...معنوي يعني ... طيب شو هي الضوابط ؟
انو اذا انا بدي غني قصيدة لنزار قباني ..بقول أنو هي كلمات نزار قباني و بس ؟
هيك بيمشي الحال ؟؟ ...اي اذا هيك انا ماني ضدك ...بضل قول للصبح أنو هاي لنزار ...بس يعني أنو برأيك هيك شو بكون اجا لنزار ؟؟ (ما الزلمي عطاك عمرو  ) ... و مع ذلك يا سيدي ماني ضدك... الزلمي ما رح يستفيد شي ..بس رح قول أنو هي كلمات نزار ..ما مشان شي ..بس لأنو هي كلمات نزار ( يعني مو كلمات حدا تاني )
|
طيب.. ما انا فكرتي من كل الرد هي بالذات... أول شي بتقول (مافي داعي نذكر صاحب الفكرة.. وهلا بتقول (مانك ضدي ولازم نذكر صاحب الفكرة).. طيب.. حدد موقفك منشان نعرف من وين نحكي
اقتباس:
آها ...الأخلاق !!!
أنا بدي اسألك ....نسخة الويندوز ع جهازك مرخصة ؟؟
شي مرة حضرت فيلم نسخة مانا اوريجينال ؟؟
وقت بتنزل ع السوق لتشتري بنطلون ..بتسأل صاحب المحل اذا هالموديل ملطوش أولاء ..واذا كان ملطوش من ( فيرزاتشي مثلاً ) هيك بتنتفض ...و بتزت البنطلون و بتدور ع شي غيرو ؟؟
صار معك شي مرة انك نزلت ebook من الانترنت و بعد ما قريتو وجعك ضميرك كتير ..لأنو النسخة مانها كوبيرايت ؟؟
بالنهاية يعني ..أنت بتعتبر حالك أخلاقي أكتر مني مثلاً ...أو بلا أكتر مني ...أنت بتعتبر أنو عندك أخلاق أكتر من ( العامة ) !!!!
|
نعم أصلية.. شرفني بزيارة لأكدلك هالشي...
بس انا رأيي أنو الرمد أفضل من العمى.. وأن تحاول أفضل من ان تندب وتيأس,, ولا منشتغل على مبدا (اذا انهبلو ربعك عقلك ما ينفعك) يعني؟
اقتباس:
|
أنا بشكل عام بعتبر اسلوب الأمثال بطرح الأفكار هو اسلوب ينطلي على المغفلين ..لأنو الأمثال بعتمد مبدأ ( انت تجلس على الكرسي..الكرسي على الأرض ..اذا انت تجلس على الأرض ) ..و عادة اللجوء للمثل لاثبات فكرة أو نظرية يكون عند صعوبة او استحالة اثباتها مباشرة ( كل الأمثال يعني ..من أمثال المسيح وصولاً لمثلك السابق )
|
الأمثال للمغفلين.. خليني ذكرك أن كل الأنظمة التعليمية تعتمد مبدا الأمثال.. لا تقلي كيف... تذكر شلون تعلمت بالمدارس.. وشلون بيتعلموا البشر بالمدارس... معقول كمان بدي أشرح هي.. ولي....
بس بدي شوف هي آخر وحدة .. ورجيني هيك
اقتباس:
|
( انت تجلس على الكرسي..الكرسي على الأرض ..اذا انت تجلس على الأرض )
|
هي الجملة ليست بمثل ولا بضرب مثل... وليست باستنتاج منطقي وليست بشيء..
بعدين شو دخل المسيح بالنص؟ ليش ما شفت حدا في الدنيا عم يضرب أمثال غير المسيح؟ .. هااا.. نسيت أنو عندك كراهية للراسمالية.. بيجوز تكون شيوعي.. يمكن هاد السبب... عفوا اذا هيك لا تواخذنا...
اقتباس:
|
وقت بتعطيني مثل عن خاتم ...!!! الخاتم الو قيمة نقدية واضحة ...جوهرية ..فينك تبيع الخاتم ب 5000 ليرة مثلاً ...و بالتالي وقت بتسرق من عندي خاتم بتكون سرقت مني 5000 ليرة ..و هاي سرقة مباشرة ..بحكم كون الخاتم ملكي ( و انا أصلاً دافع حقو ) و بالتالي بكون أنا خسرت 5000 و انت ربحت ع كتافي 5000 .
|
يا سيدي معك حق.. أنا برأيي اذا شي حدا بيمرض روح افتاح عيادة وعلق ورقة وقول (انا طبيب) يعني بزمانو الدكتور وصفلك دوا.. وانت ممكن توصف هذا الدوا للعالم.. لأنو أصلا ادعاءك انك دكتور ببلاش.. مالو قيمة مادية.. شو يعني فكر الدكتور وعلمو بس لإلو؟ ما حدا أحسن من حدا... وهيك مافي مشكلة بنوب.. ولا شلون؟ اصلا كلشي ما منشوفو بالعين ومالو قيمة مادية معناتا مالو اي قيمة تانية.. برافو .. وبما أنك عم تمشي على هالمبدأ معناتا كا أفكارك عن الرأسمالية و...
هاااا.. نسيت.. انت ضد اعطاء الأمثال... طيب انسا هاد الرد اذا هيك..
اقتباس:
بالنسبة للنتاج الفكري الموضوع مختلف كلياً ولا يمكن تحويلو و اعادة تحويلو الى قيمة مادية (الا بالمعادلات الرأسمالية ) .
نعم أنا ماني مضطر اسأل كل صاحب نتاج فكري اذا بوافق أو لاء قبل ما استخدم نتاجو الفكري ...لأنو بمجرد خروج هالناتج للنور بيصير جزء من الحضارة الانسانية ..و بصير ملك للانسانية ...انا هلأ عم استخدم لغة هي نتاج فكري لاشخاص ما منعرف مين هني ..و انا متأكد أنو ولا واحد منن زعلان ليش عم نستخدم هاللغة ( علما انو هاللغة كنتاج فكري أهم بكتير و بالمطلق من اي نتاج فكري اجا بعدا ) .
و وضع القيود على ( الانسانية ) لاستخدام نتاج ( الانسان ) الفكري هو العمل اللاأخلاقي ( برأيي على الأقل ) و ليس العكس .
|
رجعنا لعمو ماركس وعمو لينين.. بس المشكلة انو هدول الجماعة فاتو بسبعين حيط... الله (اذا في الله) يذكرك بالخير يا غورباتشوف... شفت شلون حكيت قصص عن الرأسمالية ودخلتنا بالسياسة...
حبيبي .. يا عيوني.. انا ما عم قول حجب أي مادة فكرية عن البشر ..ولا وضع قيد.. أنا عم قول اعطوا الحقوق لأصحابها...
انا عم قول أعطوا صاحب الفكرة حقه.. على الأقل بذكر اسمه... بس انت وافقتني بهالنقطة... ولو انك بالرد اللي قبلو قلت مافي داعي.. منذكر منقول وبس.. برجع بقول حدد موقفك..
اقتباس:
على كل حال ..و بالنهاية يعني ..أنا ماني عم أكتب لأقنعك بوجهة نظري ... و لا بهمني تكون بصفي ...بالنهاية انت حر .... خياراتك بالحياة ملكك .... و فينك تعيش بالطريقة اللي بتخلي ضميرك فيها مرتاح .... بدون ما تكون مضطر تعمم نظرتك و اسلوبك عالاخرين
و تحياتي 
|
طبعا ما فينك تقنعني.. ولا أنا فيني كمان أقنعك.. نحنا منتناقش بهدف الاستفادة والإطلاع على الآراء بس مو أكتر.
بس هاد الموضوع ذكرني بمقالة لأنيس منصور اسمها.. (كلهم لصوص) ..يا ريت تدور عليها وتقراها على الانترنت..
حاجتي أنا.. فهمت عليك تمام....
.. خصوصا انك حاطط رمز الـ emule كصورة..
وأخيرا وآخراً.. تحياتي أنا كمان
ولا تواخذونا يا جماعة المنتدى. اتشرفنا بمعرفتكن.