[مايسترو]

كاتب النص الأصلي : مسطول على طول

فرضا ... مابتصير مايسترو

شيلك من قصة اللغة وانو اغلبية عربية وشرقيين ومن هل الامور كلو هاد اسمو علاك مصدي

وأذا بدها تصير بتصير على اسس تانية أولها المصالح المتبادلة بس هي قصة تانية وطويلة ومابتخلوص وكلامي الي ممكن أحكية مابيتعدى الا اللهم رؤوس اقلام .

خود على سبيل المثال مين اقرب الدول لالنا لبنان الاردن مصر .. هدول اقرب النا من عدة نواحي المجتمع الثقافة الدين الجغرافية الخ..

لوفترضنا أنو بدون يتحدو أقتصادياً لانو سياسياً شبة مستحيل من أهم الامور اطلاق عملة موحدة شي حلو

تنقل المواطنين من دون جواز سفر ( هاد صعب ) لانو الاخوة المصريين لح يغزونا بسبب تدني المستوى المعيشي وتدني مستوى الفرد عندك بالبنان متوسط دخل الفرد 900 دولار بينما بمصر 100 دولار فأكيد لح تحصل هجرة من مصر للبنان ... المهم يلي بدي اوصلو أنو لازم الدول الاربعة يحاولو أنو يقاربو من بعض من ناحية متوسط الدخل .. فاشفلي هي قديش بتاخود وقت !؟

أما من ناحية التبادل التجاري فلازم يتم تبادل السلع من دون تعرفة جمركية فهون الاردن ولبنان هنن لح يكونو الخاسر الاكبر لانو الدولتين بيعتمدو أعتماد كبير على جمارك والرابح الاكبر هيي مصر ومن بعدها سوريا .. فهون التبادل التجاري فشل كيف بدك تزبط الموازيين !؟

عندك توحيد التعرفة الجمركية على الاستيراد الاجنبي على سبيل المثال المواد الاولية والسيارات
المواد الاولية متل حبيبات البلاستيك مثلاً دولتنا بتاخود ع الكيلو غرام 30 ليرة بينما بمصر 5 ليرات فمعناتا لازم يكون فيي توازن يعني لحنا ننزل شوي وهنن يطلعو شوي

فتصور هل الامور لتلاتة قديش بدهم شغل ، ودخلك مين مهتم يشتغل ؟

بالنهاية بقلك أنا مع أي تكتل اقتصادي على اساس المصلحة المشتركة ، أذا النا مصلحلة مع الموزنبيق مافي مانع او مع مجلس التعاون الخليجي او الاتحاد الاوربي ... بس بالنهاية تعود على كافة الشعب بالمنفعة

أما وحدة سياسية أنسى

انا معك بهاد الحكي كلو

مشان هيك في عننا فكرة صغيرة

هلق موضوع الاتحاد الفدرالي مجرد فكرة ومن وجهة نظري ما في حل تاني

بالنسبة للناحية الاقتصادية معك انا تماما
اما بالنسبة للغة وتاريخ وهالعلاك فهو علاك ومصدي
وانا كمان مع اي تكتل اقتصادي انشالله مع الهونولولو

الفكرة الصغيرة انو بدك غسيل دماغ للبشر بحيث انك تعمل ثورة ثقافية تشمل كافة المجالات يعني ثقافة لايعني كتب وبس لا مسرح و سينما وتعليم وموسيقى يعني شاملة وقتها بتوقع انو اي ممكن يصير شي..

بتعرفو انو اكبر كذبه في تاريخ الوطن العربي هيي الوحده العربيه

هي صارت كذبة صديقي

قبل كانت حلم كبير بيراود الكل انو بيوم من الايام ممكن يصير شي
هلق اي كذبة