صديقي أنا مابدي جاوبك بالنيابة عن إيلفانت أند كاستل باعتبار في خلاف مبدئي بالأراء بيني وبينو بس بدي جاوبك بشكل عام على النقط وياريت تتمعن منيح بهالكلام
أنا لما يكون رأي من نفس رأي أي طرف من الأطراف هالشي مابيعني انو انا شريكو أو موافقو على كل أفكارو بمعنى وقت إسرائيل عم تحارب انفلونزا الخنازير وسوريا عم تحارب انفلونزا الخنازير هل هالشي بيخلي سوريا واسرئيل حلفاء وشركاء؟؟ أميركا عم تحاول تلاقي حلول ظاهرة الاحتباس الحراري وأنا كمان بحاول ساعد بمعالجة هالموضوع هل هالشي بيخليني عميل لأميركا؟؟
بمعنى وقت أوروبا وأميركا بيقولو إيران خطر عليون وأنا بقول انو ايران ماعم تفيد قضايا العرب بشي هل هالشي بيخليني عميل للغرب؟ لاء ياعيني بس كل واحد بيحسبها من وجهة نظرو
انت فيك تضمن بكرا؟؟ أخي بكرا ايران صار مشكل بينها وبين سوريا أو السعودية أو القرد الأحمر واستعملت هالسلاح النووي شو بيكون رأيك؟؟ يعني مابيكفينا اسرائيل؟ بحسكون عم تدافعو عن ايران النووية وكأنها سوريا النووية وكأنو الترسانة الإيرانية حتكون لإلنا... مابعرف بس أبسط قاعدة بالسياسة هي انو لافي أحلاف دائمة ولا عداوات دائمة...
اقتباس:
كاتب النص الأصلي : wile
بس ياحبيبي أنا بدي إنت تجاوب على هالكم سؤال
حزب الله كان بيقدر يأسر الجنود الإسرائليين ويوقف بوجه إسرائيل وما يسمح لها تحتل لبنان بدون مساعدة إيران العسكرية؟
وكان بيحسن يمنح المتضررين من هالحرب مساعدة مالية لولا مساعدة إيران المالية؟
قوى المقاومة بغزة, رح تقدر تمنع إسرائيل من إجتياح غزة لولا مساعدة إيران؟
لك يا أخي رئيس إسرائيل شمعون بيريز عم يقول إنه إيران عم تساعد قوى الإرهاب بالمنطقة على حد قوله بنجي نحن وبنقول إيران تبع خطابات رنانة فقط؟
|
أنا بدي جاوبك على كل هالأسئلة جواب واحد كم شهيد إيراني راح بسبيل هالقضايا؟؟ يلعن ربو هالسلاح يلي بتبعتو إيران وبيخليها تصير بهالمنزلة عندكون بس متل ماقلتلك هو المشكل بالزمن يلي نحنا فيه...
بعدين في نقطة انت عم تقول انو مقدسات المسلمين بالقدس من واجب كل الإسلام يدافعو عنا.. وايران ليل نهار بتقلنا انو هي عندها مقدرة تنهي اسرائيل طيب ماتنهيها وتخلصنا؟؟ أخي مو مشان شي من باب الدفاع عن مقدسات المسلمين وانسالي العروبة والقضايا العربية.... يعني في شي غلط ماهيك؟؟
الحرية لكل أسرى الحرية في سوريا...
العربي الذي لايجرأ من الذل والخوف على رفع رأسه لرؤية القمر !!!
كيف سينتصر على غزاة القمر؟؟!!