[الحاج متولي]

يا سيدي مع إحترامي لصاحب الموضوع وأصحاب الارقام و التحاليل
بحب أقول رأيي بهادا الموضوع .إني كتير تقارير إنعملت و صاريت بتقول إني البترول بسوريا وخاصة في المنطقة الشمالية الشرقية موجود بكميات كبيرة جداً قد يعادل بحر البترول الموجود تحت الأراضي العراقية
و إن كان هذا التقرير خطأ أو صح فما بتكون هون المشكلة أبداً
يا جماعة المشكلة الإقتصادية الكبيرة في سورية هو وجود كام واحد عم بيحد من إنتشار مشاريع إقتصادية بتدر على البلد اكتر بكتير من الموارد البترولية
رح إبدا اول إشي بالسياحة
أنا في الحقيقة درت كتير بلاد وسافرت على معظم البلدان بس بحب قول وبكل صراحة إني متل الجو بسوريا ماشفت ولا من الطبيعة يلي فيها بس و للاسف مافي حدا عم يقدر يستثمر هادا الموضوع
و إذا وجد.بتلاقي صار في معوا الف شريك وشريك بدوهن يشاركوا تحت إسم المحسوبية و السلطة.........وهادا الشي يلي عم بيخلي معظم المستثمرين السورين المغتربين أولاً و الآجانب ثانياً يهربوا من وجع الراس.....و الكل بيعرف سواءً من زوار سوريا أو من المواطنين السوريين إني سوريا تتمتع بجو.....يمتلك فصول أربعة كاملة..الشتاء و الربيع و الصيف و الخريف...على العكس من الكثير من البلدان المجاورة...و اللتي تتمتع بسيط سياحي كبير
ثانياً الصناعة
الكثير أيضاً يعرف بأن سوريا تعد من الدول الصناعية الأولى في المنطقة من حيث عدد المصانع و الخبرات وخاصة الصناعات النسيجية و القطنية.......إن عدد المصانع النسيجية في مدينة حلب يفوق أكبر عدد من المصانع في أي دولة أوربية....وهذا منذ أكثر من 50 عاماً ....ولكن للأسف الضرائب و اسعار الكهرباء و القوانين المنصوص عنها القديم منها .....يجعل المنتج دائماً أمام حيرة كبيرة أمام التنافس أمام الأسواق الشرق آسيوية.....
الدول الشرق آسياوية ...تعطي المنتج ميزات لو حصل عليها المنتج السوري لكانت حالت البلد بألف خير .........ولا ننسى أيضاً الخبرى الطويلة في الصناعات الثقيلة .......وخبرة الأيادي العاملة اللتي تنتج أدق الأشياء بإمكانيات ضعيفة و غير متطورة ....ولوا أن تلك القدرات دربت و أعطيت إمكانيات متطورة رح تكون مبدعة
ثالثاً الزراعة
مافي داعي إذكر إني المنتج السوري من الزراعة يعد الأول من حيث الجودة و الطعم و الكم من الأنواع وخاصة
القطن و القمح و الفاكهة ....و لكن للأسف أيضاً الإمكانيات في التطور و الحد من البناء العشوائي في أماكن الزراعية صاحبة التربة الخصبة و عدم إستثمار تلك الأراضي بشكل علمي .....وبصورة جدية............مو على الورق بس
لك شو بدي إحكي لإحكي لك آآآآآآآآآآآآآآه مافيني إحكي غير هيك
تحياتي لصاحب الموضوع
بس بحب ضيف آخر إشي
إني سوريا وبلاد الشام الله حاميها و الخيرات يلي فيها ما حدا لحد الآن إستهلك ولا 10% منها
الحاج متولي