[romadiz]

كاتب النص الأصلي : صياد الطيور

وأنا عم أقرا موضوع الأخ ( ياس ) - دونيا صوفيّا, لماذا لا تسكتين؟

و كنت عم أقرا تساءلو بآخر الموضوع خطر ببالي موضوع الديمقراطية السورية ...
أمور كتير بتصير بسوريا الناس اعتادت عليها و صارت من المسلمات .

الديمقراطية ببلدنا متل ما بيقول واحد من صحابي ( مفصلة على قدنا )

طبعا الموضوع كبير و عميق و أزلي ..

بس هيك تذكرت شغلة ...

أنو مجلس الشعب السوري .. المفروض يحوي على مختلف طبقات و شرائح المجتمع
و هالمجلس بأعضائو هنن الي لازم يشوفو مشاكل البلد و يلاقو حلول ألها.
وطبعا المفروض الواحد منهم ما يوصل للمجلس ألا بعد ما ينال ثقة الشعب الي المفروض يصوت للمرشح الي بيشوفو بيستاهل يكون بالمجلس و يكون ممثل عنو بهالمجلس
لكن للأسف ... صار الواحد يصوت للمرشح ( الي بيدفع أكتر ) بغض النظر مين هو ولا شو هية خطتو الانتخابية ولا أي منظور تاني غير ... أنا بصوت للي بيدفع أكتر
وطبعا هالمرشح لما بيدخل على المجلس ... بيكون همو الاول هو كيف بدو يعوض الخسارة الي خسرها خلال الحملة الانتخابية ( × 10 أضعاف ) و بيتناسو قضايا الشعب و همومو .

و الشي الي بيفرط من الضحك الديمقراطي
أنو ( طبعا المفروض ) مجلس الشعب يقترح إقتراح معين و الاعضاء إما بيصوتو لصالحو أو ضدو
و اذا كان لصالحو بينرفع الاقتراح لرئاسة مجلس الوزراء الي بدورها بتناقشو من كل الجوانب بحسب كل وزير باختصاصو
و بعد الموافقة عليه بيتم رفعو لرئاسة الجمهورية و الي بدورو بيشوف مصلحة البلد من خلال هالاقتراح الي وافق عليه أعضاء مجلس الشعب المنتخبين ديمقراطياً و الي موافق عليه أعضاء مجلس الوزراء الي محددين مهنياً و استارتيجياً و حكومياً فما بيكون على سيادة رئيس الجمهورية ألا أنو يوافق على القرار ( ألا إذا كان بيعارض مصلحة الامن القومي السوري ) و بعدها بيصير ( مرسوم جمهوري )

طبعا منرجع ومنأكد على (المفروض )
لكن الواقع شي تاني ..

ممكن تحاولو تتخيلو كيف بتمشي عملية ( المرسوم الجمهوري ) بالواقع ....

موضوع حلو و الو بواب كتيرة و رح نجرب نسكر هالبواب .


حتى نشتغل بالنظام لازم يكون في نظام .طيب ...
لازم نلحق الغلط و نمسكوا من بدايتو .
1 - ليش الفرد عم ينتخب المرشح اللي مانو مقتنع في رب الله اللي خلق سماه ؟؟؟ (سؤال ضمن سؤال: هل يحق للفرد انو ينتخب مرشح ئلو بالمجلس ؟ الفرد وليس المواطن ؟ ) .
طيب كيف لازم نخلي الفرد أنو مايختار غير المرشح اللي مقتنع فيه و بيعرف انو هالمرشح عن جد هوي اللي رح يكون الصوت الصارخ لئلو بالمجلس ؟

2 - طيب شو الصفات و المؤهلات اللي لازم تكون موجودة بممثل مجلس الشعب؟ يعني تاسع أو بكلوريا بتكفي؟ و اذا بكلوريا عامية و لي صناعة او تجارة ؟
3 - امام من يجب ان يحاسب اعضاء مجلس الشعب ؟
4 - كيفية اختيار الوزراء؟ و أمام من يجب ان يحاسبوا ؟

بإختصار . بدي اقتراحات و اراء من الشباب عن تشكيل نظام حكومة( مجلس شعب) و وزاري مثالي ؟