[ayhamm26]

كاتب النص الأصلي : nawrasdr1982

ياشباب الاهم من طرح المشكلة هو ايجاد الحل في كتير من الشباب شغلتو الشاغلة هو اتهام الحكومة السورية بالفساد والخيانة وتصوير بشار الاسد على ان ديكتاتور القرن الواحد والعشرين

شلون ممكن تلاقي الحل اذا بالاول ما حددت المشكلة وين؟؟
بعدين شلون يعني اتهام الحكومة بالفساد والخيانة؟؟ يعني برايك مافي فساد مافي خيانة؟؟
برأيك بشار الاسد مو ديكتاتور, طيب هات لشوف اقنعني انو مو ديكتاتور, بس أرجوك مو بطريقة " عطيني بلد واحد بالعالم رئيسو مو ديكتاتور".

كاتب النص الأصلي : nawrasdr1982

تنويه ((انا ما عم العب دور المحامي عن الحكومة او عن السيد الرئيس بشار الاسد انا عم حاول اطرح مشكلة بموضوعية وبتمنى انو نتناقش بدون اي تجريح ))

مافي موضوعية حبيب, من الواضح انك منحاز لطرف.

كاتب النص الأصلي : nawrasdr1982

مين البديل عن الحكومة الحالية في كتير خيارات متل: المعارضة السورية (( فريد الغادري : رجل معارض ذهب الى اسرائيل للمفاوضات من اجل السلام ومابعرف مين كلفو يروح او من بيمثل وعلى فكرة السيد فريد بحياتو ماعاش بسوريا ))(( الاخوان المسلمين : حركة سياسية قامت بقتل المواطنين السوريين بالهوية ب 1982 وبعمليات تفجيرية ضد الجيش وقوات الامن ( الجيش وقوات الامن يتالف من كل طوائف ومذاهب واديان الشعب السوري) ))((رفعت الاسد : رجل يبحث عن سلطة تم طرده من سوريا بسبب اتجاه العنصري والعمل على انشاء دولة على مزاجو)) (( عبد الحليم خدام : زلمة لم قحطلو بلش يصيح ويتكلم ويصور حالو على انو سوبر مان طبعا كل هالكلام بعد ماطلع برا سوريا لانو جو بيقلب صوص )) (( مجموعة من الاتحادات الحقوقية والانسانية : صوت بيعلا وبينخفض متل البورصة متعلقة بالدولار))

طيب كل هالحكي صح, هات لشوف خلينا ندور على البديل من جوا, وين الاحزاب؟ وين الطبقة السياسية بسوريا؟ وين الاعلام الحر؟ وين الانسان بسوريا؟

كاتب النص الأصلي : nawrasdr1982

شو اسع في معارضين الداخل لهم منا كل الحب والاحترام لانن على اقل تقدير اناس صادقين وبيحبو هالبلد .

معلش تعرفلي مين هني معارض الداخل وتعطيني مثال واحد منن؟
برأيك في شي معارض بالداخل مو بالسجن او مو طالع تازة من السجن؟؟

كاتب النص الأصلي : nawrasdr1982

وبالنهاي انا مع معارضين الداخل ومع بشار الاسد

شلون ظبطت معك هي؟؟