الزوبعة
شايفينها .. منعرفها
بترمز للحزب السوري القومي .. الاجتماعي
حزب عاد للمطاحشة السياسية .. في هذا البلد
انضم تحت لواء الجبهة الوطنية التقدمية .. شكليا ً
بعد ما اعيد الترخيص له .. من فترة مو بعيدة .. مواكبة للخروج السوري الظافر من لبنان ..
برأيي الشخصي أنو هالحزب كـ فكر .. .... فرررررجة ..
يعني فكرة انو توتحد سوريا الطبيعية ... بكافة إثنياتها .. وطوائفها تحت .. مقولة
/// البدء من المجتمع ///
فكرة كتير أوريجينال وبتطعمي خبز
يعني حللنا نفهم .. أنو النهضة بتصير من قلب المجتمع .. من القاعدة ..
بيتلخص هالحزب بهالـ كم باشتان ..
1_رمي المعتقدات البالية .الي أجتنا من قرون التخلف ومن حكم العرب لسوريا
2_التمرد على الأكذوبة الكبيرة الي اسمها // العروبة //
2_ الدين محترم .. بس يعني أنو معلش .. سمحولنا نفصل الدين عن السياسة نتوفة ..
كل هالحكي ... بيفتح النفس .. بس للأسف
من احتكاكي مع بعض أعضاء وقياديين الحزب .. وجدت أنو أغلبهم .. صار عندهم داء .((( العلاكــــ )))
ف حتى ما يندفن هالحزب .. وفكره الثمين .. تحت طائلة العلاكـ المصدي ..
تعالوا .. نعمل حملة .. بحس .. وتمحيص .. وتدقيق وتفكير .. بـ هالحزب .. ومنطلقاتو .. لأنو كتير عملية ..
وقابلة للتطبيق
وحاج فكر مهتري .. وشحاحيط حزبية .. واجتماعات ..
بس في سؤال زغير ...
أنت سوري ..؟ ولا عربي ؟
بالأساس ......هل السوريين عرب ؟