[يمان Rooooonaldo]

للأسف .. بينّت تفاهة العقل العربي .. بـ كل .. أركانه ..

الشي اللي صار لا ممكن يصير بين دولتين غير عربيتين للأسف .. فـ كيف لو كانو على مقولتنا التاريخية الخالدة .. اللغة والتاريخ والارض والمابعرف شو المشترك ..

عيب كتير ..

اليوم كنت عم ناقش واحد مصري .. وعم يحكي من كل جد انو بدو وبدو والحق عالجزائر وعملت وساوت وهنن ما عملو شي واستنو منهم وكيف بيحرقو العلم وما بعرف شو ..

لك .. قلتلو ايام غزّة ما حدا فيكم استرجا يروح يحرق العلم الاسرائيلي .. قدام السفارة بمصر ..

وبوقت غزّة .. بالجزائر ما حدا حرق العلم الاسرائيلي ولا شفنا الهجوم الاعلامي الكبير .. من الاعلام الجزائري على اسرائيل واللي عم تعملو بفلسطين .. بس شفناهم التنين عم يحرقو علام بعض .. مشان مباراة فاصلة ..

شفناهم عم يشعلو نار .. جديدة .. بتعرفو ناقصنا نحنا حاكم .. شفناهم عم يرمو حجار على بعض ..

شفناهم عم يفكرو باغلاق السفارة وسحب السفراء من بعض ! ..

لك شفناهم عم يطالببو بمنع السفر والعمالة بين البلدين ..

ومن ذكاء الفنانين اللي فاتو بالقصة وضربو دق كفونة هاد اللي بطل يغني بالجزائر وهاد اللي انمنع من الفوتة عمصر .. وخود بقا ازا عاد تطفي ..

لك عمرو موسى .. لازم يعلن حالة الطوارئ عنجد .. ويستدعو الرؤساء لقمّة عربية جديدة ..

بس بتعرفو وين لح تبقى النكتة ..

لح تبقى انو يطلعو عم يستنكرو ويرفضو رفض كامل .. كلشي عم يصير .. ويقلولو انو هنن مع العرب ..وبس .. والامة العربية فوق الجميع ..

دمتم .. اخوتنا العرب .. ودام الوطن العربي .. تحت بأسفل السافلين ..