فكرة
الحشمة = الحجاب
الاثارة = الشعر
صراحة ما داخلة براسي
يعني انا والدتي يوميا بتطلع بشعرها قدامي ما بعتقد اني استثرت مرة بحياتي ....
اصدقائي بالجامعة " ذكور واناث " بطلوا بشعراتهم قدامي ما استثرت ولا مرة منهم ولا من شعرهم او من ضفر رجلهم او من اصابيع ايديهم ...
لك على السيرة ... شو الرجال ليش ما بيتحجب ؟! شو شعره مصنوع من خيزران مثلا ؟! ولا هوي شعره بينزول وكالة مخلّص منه ومسحوب صفة " الاثارة "
المهم خلينا بالموضوع
مع في اعضاء طالبوا بالتأمل وطالبوا بالتعمق بمعنى الحجاب وتفاصيله وغايته السامية
وصدقا
قدمت من حياتي القصيرة المدى .. مدة نص ساعة كاملة .... ومتواصلة
حتى افهم " ايدولوجية " الحجاب ... للأسف ما فهمت وما قدرت اوصل لنتيجة ...
فيا ريت احدى المحجبات " او المنقبات مش مهم " تساعدني بفهم الهدف السامي من الحجاب .
في كتير ردود " لذيذة " بس للاسف ما كنت بالأخوية بهال كام يوم وما بحب نكوش بالصفحات اللي فاتت .. على مبدا ... فاتت ماتت .
بس الردين هدول ما عبينبلعوا معي .. وباعتبار ان الحكيم نصحني باني احكي كلما حسيت شي " حسّك " بزلعومي ... فكان الرد هو الحل .
اقتباس:
كاتب النص الأصلي : شب الكوبة
المرأة عورة بالنهاية سواء قبلت او لاء فحاجة تقولو جسدها سامي وشو بيعرفني ..
شو بدنا نساوي المرأة شر لا بد منه
|
خلينا على ناقصات عقل ودين ... على الأقل فيهم ذل اقل من الشي اللي انت كاتبه
اقتباس:
كاتب النص الأصلي : شب الكوبة
صح هالحكي المرأة الله خلقها لنتمتع فيها نحن الرجال ولحتى تربيلنلا ولادنا .. وهي أهم وظائفها
|
ابشع اشكال الذل ...
واسؤا التصاوير اللي ممكن تخطر لذهن انسان ...
وأوطى مكانة ممكن يوصل اليها كائن حي ...
وابشع وصف ممكن تنوصف فيه كائنات بشرية
هوي الردين اللي فوق ...
ما بستغرب من رجل مكانته بالمجتمع تكافئ الآلهة يطلع هاد الحكي
بس بستغرب كيف امرأة موضوع على رقبتها جزمة
و
بتبتسم
و
بتدافع ..... !!!
عالم بتشرب كل يوم شاي شاي شاي شاي شاي .. آخر شي بتقرف الشاي
امتى المرأة بدها تقرف الذل !!!!
"... وياما حنشوف .. "