في مسرح الاوبرا بدمشق مسرحيّه " عربه اسمها الرغبه "
المسرحيه بتتحدّث عن مسرحيه كتبها تنسي ويليمز الكاتب المسرحي الاميركي المعروف .. بتتحدّث المسرحيّه عن خيبته من المجتمع الاميركي بعد الحرب العالميه الثانيه و الازمه الاقتصاديّه اللي انتشرت بوقتها .. بهالاثناء بلانش , فتاه من الطبقه الاقطاعيه الجنوبيه المفلسه بتقوم بالهرب من استغلال المجتمع الذكوري الها و بتلجأ لبيت اختها ستيلا اللي بتكون متزوجه من ستانلي اللي بدوره بكون مهاجر جديد للولايات و بتنصدم بواقع ستانلي و على الرغم من محاولاتها التيره لتلاقي لنفسها مكان ضمن هالعائله اللي كانت على وشك انجاب طفل جديد .. الّا انو سمعه ماضيها المليئ بالأخطاء بتلاحقها بشكل دائم الى ان تدمرها و بتنتهي المسرحيه بشكل حزين ..
سينوغرافيا وإخراج: غسان مسعود
تمثيل: باسل خياط، سلافة معمار، مكسيم خليل، سوسن أرشيد، غسان عزب، جمال سلوم، رنا شميس.
تباع البطاقات في الدار
** هامـش , المسرحيه هي حضرانتها بلغتها الاصليه - الانكليزي - و عامله عليها دراسه معيّنه لذلك اللي بصحله يحضرها بالعربي فهي نصيحه .. جدّا مؤلمه وقائعها و عن صوره المجتمع و كيف يتعامل مع اللي بأخطئو فيه لدرجه انو بيدفعهم للغوص في اخطائهم بدل ما يطلعو منها ..
نصيحه يعني و النصيحه كانت بجمل 
أيام العرض : ابتداء من 1 كانون الاوّل و حتّى الرابع من كانون الاوّل الساعه الثامنه مساء