[آخيل]

كاتب النص الأصلي : philip

وانا معك حسام مية بالمية .............انو ماشي الحال لو تعذبنا شوي بالاول بس الا ما يطلع معنا شي بالاخر وخصوصا انو سوريا رجعت شباب أكتر من اول بكتير من ناحية الحرية والتحضر وانشالله كلما لا لاحسن واكيد ما لازم الواحد يفكر انو انا اذا سافرت رح انجح ورح جيب سيارة وبيت هذا الحكي صح بس اذا بيشتغل اللي عم يشتغلو هنيك هون ببلدو وبين اهلو وناسو بيستريح اكتر و في احتمال كبير اذا عرف يتصرف يرفع مستوى معيشتو اكتر ما يكون باي دولة تانية تحياتي واستروا ما شفتوا مننا

يا أخوة صدقوني أول ما بلشنا كان عنا همي كبيرة كتير ... و حلم كبير كتير بس ع طول كنا ننصدم بالواقع .... يعني اول شغلة العسكرية من جهة ... وتخيلو اذا على مجال صغير مثلا اذا تعهدنا شي حفلة خاصة بشي مطعم كانت تطلعلنا مية مصيبة .. شي موافقة امنية و شي ضريبة المالية و شي نقابة العمال .... هادا غير اذا الواحد فكر بايام الجامعة يعملوا شي رحلة خاصة مثلا بدون موافقة الجامعة ... فورا بيعملوها انو لازم يكون في موافقة تقول نحنا شي حزب معادي للسلطة و بدنا نعمل انقلاب ... ولك اذا على مجال الاخوية ... كتبوا فينا تقرير قال عم نعلم الاطفال افكار سياسية محظورة و سحبونا عالفرع المدري شو ...... خلوها عالله يا جماعة