[SaKRaN]

يا عيني حلو كلامك طيب هلق هو رئيس وله شو بدنا نعرف ؟ اذا بخاف انو يغير معناته ما بدنا ياه لانو نحن بدنا رئيس قوي والو شخصية يا حبيبي وبعدين كل الي شالون عفا عليه الزمن خلص وصلو لسن التقاعد متل طلاس ومتل تركماني يمكن تبعا الاركان انسيت اسمو والله والحكومة شو عملت بالله ؟؟ وين السايحة ؟ وين التصدير ؟؟ وين الشغل ؟؟ شو كيف ارتفعت نسبة البطالة ؟ وين مجلس الشعب ؟؟ لك وين الي بيمثلوني وبيمثلوك ؟؟ وينون هدول الي كلون بيوافقو او كلون بيرفضو مع بعض ؟!؟ يا حبيبي اذا صار يعطي تراخيص للاحزاب رح ينقلبو عليه مين ؟ لك مين حاطط هو حوليه ؟ فاروق الشرع انت عمتقول رجال نضيف ورئيس الاركان معو ورئيس المخابرات اصف شوكت كمان معو وماهر الاسد قائد كتيبة وهاد اخو فمنشو بالله بدو يخاف هو ؟؟ يعني الدولة كلها معو ومارح حدا ينقلب عليه اذا غير يا حبيبي وبعدين الناس مارح تنتقم من حدا اذا انفتحت البلد الشعب السوري شعب عريق ومتفهم ومسكين ما بيطلع بايدو يعمل انتقام فماتخاف.. لك اذا واحد الشعب معو بدو يخاف ؟؟! اول مرة انا بسمع اذا واحد بدو يفتح بلدو ويصلحها بيخاف ؟؟ بعدين هي صرلو 6 سنيين ما قدر بهي الفترة انو يظبط وضعو ويشيل كل الحيتان الي عمتحكي عنون او يقلل خطورتون ؟؟؟ خييو انا بعرف شغلة وحدة اذا هو رئيس لازم يعمل اصلاح بالبلد واذا ما بيقدر يقول خيو انا ما بقدر ووقتها بيصير حكي تاني .... شكرا على رايك مع انو ما عجبني الصراحة لانو لازم ما ترضى بشي غلط .......تحياتي