كلام مزبوط 100% الشعب بسوريا مغلوب على امرو والشباب ولدت وهي مرعبوة من الاحداث الي صارت بالثمانينات بحماة وحلب ودمشق وصار في متل الي مرعوب من معلمو او متل الاقطاعية والاستعبادية صار الشعب يطيع النظام لا شعوريا وهو مفكر انو هو وطني حتى البعض منون ازا واحد حكى عن النظام بصير مالو وطني !!!
يعني في ربط الوطنية بالنظام وهو العكس صحيح
انا انسان معارض الحكم بسوريا وما بتبع ولا حزب او تجمع او اي شي انا انسان علماني وطني بحب بلدي وبحب شعبي وبتمنالو الاستقرار والازدهار والتطور والعيش بسلام والمساواة بالمواطنة والحرية وتقسيم ثروات الوطن على الشعب وهاد كلو عكس الي عميصير حاليا مشان هيك انا معارض هل النظام مو لانو مابحب سوريا بالعكس لاني بحب سوريا عمبحكي هاد الكلام !
وانا ضد اي تدخل اجنبي انا مع اعلان دمشق الي هو تجمع داخلي بحت مشان ماحدا يجي ويقول يعني انت بدك دعم خارجي انا بالعكس بدي كل شي صناعة سورية
والله يفك اسر الدكتورة فداء واكرم البني وميشال كيلو والحمصي والباقي من الشرفاء مع حفظ الالقاب
انا بتنفس حرية ما تقطع عني الهوا ولا تزيدا كتير علي احسن ما نوقع سوا
|