[Danito]

اول شي: هي الجمعية هي امتداد لجمعيات و نسخ لتجربة تبشيرية اميركية انجلوكانية لا يمكن فصل معطياتها الدينية عن جذورها السياسية بالدرجة الاولى... المهم

بغض النظر عن الآراء المختلفة بالموضوع و بعيدا عن رأيي الشخصي الملاحظ الأسلوب الإلغاءي و الأسلوب المدرسي التلقيني على طريقة التقيؤ الفكري (هي من شان اللي بدو لغة جنتل)

يعني اللي ما عم يفهمو كتير من المشاركين بهالموضوع هون أنو الجنس قضية بيختلف فهمها بالغرب و بالذات بفرنسا عن الفهم ا المنتشر بشكل كبير في مجتمعاتنا و اللي عم يحاول كثيرين الدفاع عنه

بدون مجاملات البعض هون مانو بمستوى فكري كافي للحوار يعني تخبيص غريب عجيب والتبسيط على ابو موزة
كاميكاز كلامك بالرغم من الغضب اللي عم ينطوط منو بس لما بتنظري و بمطولاتك المقصلة اللي عم يهرهر منها ورود و تطير منها فراشات يعني كتير حلو رأيك "النظري" بالموضوع .. نظري لأنك عم تحكي مبادئ مسطحة و شديدة بالتبسيط يعني الحياة الواقعية مو أنو اثنين شافو بعضهن بالشارع و طلع معنا تلات حالات لا رابع لهما:
- احدهما أو كلاهما اشتها الآخر : لم يمارسا الجنس : لأن احدهما او كلاهما رفضا الفكرة بدون زواج
- تزوجا عن حب و غرام ثم مارسا الجنس بالحلال (لاحظو بهاد الخيار ما عرفنا انو الأول الرغبة بالجنس أم الرغبة بالزواج(
- مارسا الجنس "بحيوانية" لأنك كلاهما حقير حيوان شهواني..
يعني الحياة معقدة و الحب و الزواج و الخيانة والالتزام و العشق و التضحية و الممنوع و المسموح كلها عوامل معقدة و بتضيفي عليها التركيبات النفسية المتفاوتة و عامل الظروف في موقف معين أو اللحظة محددة و بعدين بتنتج عنها سلوك بشري محدد : يعني الحياة معقدة و مو سهلة
الفكرة أنو كان فيكي تقولي أنا رايي بالموضوع هيك بس ما في داعي تحللي و تطلقي صفات على هاد و هديك لأختلافهم عنك بالرأي
و نسيم متل العادة بيحسم الموضوع و بشكل نهائي إلى ابدا الآبدين ...

الفكرة الرئيسية بالموضوع هي أنو نحنا لما منعمل شغلة منكون بطريقة أو بأخرى عم نحاول نخضع للقبول الاجتماعي للفكرة و على حساب الرأي الفردي يعني نحنا منتجوز لأنو المجتمع بيقبل الزواج و ما منمارس الجنس قبل الزواج لانو المجتمع ما بيقبل هالشي و بعدين بيطلعو ناس بدون يرشو على الموت سكر و بيلبسو موضوع القبول الاجتماعي لباس الدين و الأخلاق و العقل و بيحولوا بيرروا بس ، هلق في ناس ما بتدرك هاد الموضوع من أساسو، النقطة اللي خلتني اكتب هالمشاركة المعقدة متل صاحبها و هي :

مارسو جنس ما تمارسو هي حريتكون الشخصية بس بعدو عن الحرية لانها هي قدس الاقداس أما الإساءة للحرية فما هي إلا شكل من اشكال القصور الفكري لانو الحرية هي اللي بتقول انو الك الحق تعتقد اللي تعتقد فيه دين و دنيا يستر عرضكون احكو و خبصو شو ما بدكون بس لما بيجي الموضوع على الحرية بلا الحكي الفاضي و بلاها إهانة الحرية .. الزهرة النارية الطفلة الوحشية .... يا حرية (بالأذن من السيدة فيروز)