يسعدلي مساكم جميعا....
من بعد التحية والسلام.
هاد يا جماعة الخير، كنت عم دور على مسرحيات المبدع زياد عن طريق عمكم جوجل .
عطاني كام موقع ، وموقع اخوية كان من الآوائل .
قلت لحالي بس لقيتوا , هاد موقع اخوية شكلوا شغل شباب وراح تلاقي طلبك .
وا لله وبلا طول سيرة بحبشت شوي ( من بعد اذنكم طبعا ) لقيت ماشالله الابداع كله , فسررت وكأني اسكن
( نزل السرور ).
قلت لحالي لحق حالك وحمل , جينا لنحمل ونهرب
قام ما مشي الحال .
قلت لحالي معلش يا ولد ادخلوا البيوت من ابوابها , والله رحنا عالتسجيل وبعد ما اتكيت هون وضغط ضغطة
خفيفة هناك واستنيت تفعيل الاشتراك لتاني يوم ( شو عم تبعتوا عالطرطيرة )
وصل مرسالكم الكريم من فرحتي رحت متكي على اللنك متل ما طلبتوا بس هالمرة طيرت زرين من اللب توب
حاكم تقلت بالغدا ما علينا رحت ركض عى فن, بعدين عبيت عمكم زياد , ومنه الى التحميل مباشرة.
طبششششششششششش رعصت على مكان التحميل ( في مواقع بتقلك من فضلك ارعص هنا )
نطت بوشي اتفاقية الموقع , طيب ليش ما سجلنا وخلصنا .
قلت لحالي ممكن كنت لازم ادخل باجري اليمين ( انتوا اكبر قدر ) واسلم على القوم من صغيرهم الى كبيرهم او العكس ( متل ما بدكم )
وهي ليكني اسلم عليكم فردا فردا وعضوا عضوة ( فردا ما فينا نأنثها اما عضوة فا ساوا حالكن ماشفتوها
)
بس حاسس انوا كمان ما راح يمشي الحال وحمل شي حاكم قبل ما بلش اتكائات على زرار الكومبيوتر
لمحت عمكم ماد ماكس كاتب شي لشي حدا الله اعلم انوا عم يحاول يفهموا انوا ريحلي زرار هالكومبيوتر
لو تنطح راسك بالحيط ماراح يمشي حالك.
انا راح حاول ولمرة واحدة واخيرة ( متل الدستور اللبناني
) اذا مشي مشي واذا ما مشي ,
راح ارجع وعدل الدستور عفوا المشاركة وحاول مرة تانية وتالتة يعني ماراح حل عنكم حتى ولوا طلبتوا مني انوا
غني او ارقصلكم
قبل ما حمل .
ختاما سلامي لكم جميعا و اشكركم اعضاء ومشرفين على جهودكم الجبارة ودمتم
