[Syrian Gay]

كاتب النص الأصلي : COSTA

بالله عليك ممكن تشرحلي او تحكيلي شو صار باتباع سيدنا لوط ؟؟؟
معليش كتير بسمع عنون بس ما بعرف شو قصتون ؟؟؟
حكيلي ....

يا سيدي انا رح احكيلك هني على طريقتي ..

هدول قوم كانو سراقين ونصابين وبلا اخلاق ومنافقين .. واخيراً كان يتسلوا برجال بعض مع انون كان يشتهوا النساء كمان .. بس عن تسلاية كان "يأتون الفاحشة من غير النساء" ..

فـ الله (تبع المتدينين) قيّم قيامتون وعمل عواصف ومدري نزل مطر من حجر وبيقولو انو هني كانو عايشين مكان البحر الميت هللا بس نتيجة يللي صار فيون صار البحر الميت .. بحر .

طبعاً انا ما بحسب حالي منون .. لأن انا مو أنا يللي بقول بدي اشتهي شب .. ولا انت يللي خططت انك تشتهي بنت .. يللي عن ولادة او خطأ هرموني او جيني او نفسي .. المهم ما بدنا نفوت بتفاصيلون .. وطبعاً ما رح تقدر تغير شهوتك وتحب شب بما انك مو غاي ولا بسابع مستحيلات وكمان نخن نفس الشي ..
وكمان ما بحسب حالي منون لأن انا ماني حرامي ولا نصاب ولا منافق .. وممكن كون احسن من كلكون اخلاقياً..
وكمان ما بحسب حالي منون (للدينيين) لأن تفسير كلام الله ممكن يكون خطأ .. ومانو يللي فسر الكتب السماوية وكيل الله حتى يحرمنا .. بس بعتقد صار التباس ما بيننا انو نحن خلقنا منشتهي نفس الجنس وبين يللي بيأخدو الجنس تسلاية وبينسوا انو الجنس حب قبل ما يكون جنس بمعنى جنس فبيمارسوا مع البنات والشباب عشوائياً ..
وكمان ما بحسب حالي منون (للدينيين) لأن مو معقول الله يخلقني هيك او خلاني صير هيك بسبب خطأ ما . وبعدين بيحرمني طيب انا شو ذنبي ؟ ليش انا طفل قلتلو تعا عملني غاي ؟


ففهمت عيوني مين هني قوم لوط .. هني التسالي بهل الدنيا .. وتسالي كمان مرة .. (مع سيجارة) ..