اقتباس:
كاتب النص الأصلي : wile
حبيب تسلم والله بس معقول العالم ماشي عالعمياني؟؟
لازم في شي حدا مننا صح يعني يا مسيحي يا مسلم يا لا ديني وبما إنه هلثلاثة معتقدات تناقض بعض المفروض واحد منها يكون صح مو؟؟
|
يرحم ترابك يا آنشتاين وقت طلعت بنظريتك النسبية شد سلهت فيها عني حكي هلق
النظريات الدينية ( بما فيها مفهوم اللاديني كونه نظرية دينية بشكل أو بآخر ) معتقد او مجموعة افكار بآمن فيها الانسان ، مافي مجال للمقارنة او خليني كون دقيق وقلك مافي مجال مشترك للمقارنة
بالرغم من ان الاديان بتحمل توجه واحد اساسا وهوي البحث في أصل الوجود وما بعد الوجود بيببقى لكل دين خاصيته الفكرية وتطبيقاته المنفصلة وابعاده المختلفة عن التاني
التناقض موجود بسبب النظرة الفوقية لكل دين عن التاني .. المسيحي بينظر لليهودي بأنه انسان لم يؤمن بالمسيح وبينظر للمسلم بأنه متبع نبي دجال ، المسلم بشوف ان المسيحي حرف رسالة عيسى واليهود ألعن وأبشع من المسيحي وبالنهاية مافي غيره صح ، اللاديني شرواي الحال بشوف الكل نايمين بالخسة وما عرفانين شو الطرنيب
اذا بدنا نحكي على نقاط الاختلاف فبرجع بقلك رح نفتح باب لحد اللحظة ما خلصوا مواقع خوار ( بعتذر منك بس ما فيني سمي هلنقاشات حوار ) الأديان والقنوات الاذاعية من فتحه .
اقتباس:
|
وبناء على ذلك المتدين بيختلف بين دين ودين وإذا كان الدين المتبع صحيح أو خطأ فمعناها ذلك بدو يأثر على أتباعه من كل النواحي إما بطريقة إيجابية أو سلبية
|
وجود على الأقل انسان صالح واحد فقط في الدين المسيحي
ووجود على الأقل انسان صالح واحد فقط في الدين الاسلامي
ووجود على الأقل انسان لادييني واحد فقط صالح ( مدري ليش العالم بتحسب هلشي مستحيل
) بالنسبة الي تحقق هلأشياء بشكل دليل كافي لإثبات بأن كل الدروب بتودي للطاحون وبأنك فينك توصل للصيغة الأفضل وللشكل الارقى من البشرية شو ما كانت تكون القاعدة اللي انت متبنيها وباني قناعاتك عليها .
اقتباس:
ولك الله يسلمك على هالإهتمام وإلك مني أجمل القبلات والتحيات
|
على راسي
