اقتباس:
اما الاجابه تكون من حقي لاني دعمت بروابط مؤكده لمعلومتي
او الغاء السؤال لانك نسيت ان تحدده اكثر (انت مقصر في تكملة السؤال )
|
لاء ما بيمشي حال لا هاد ولا هاد. لاني انا سبق وقلت انو الاجوبة بقسم التاريخ.
وبكل الاحوال. ان كانت بقسم التاريخ ولا لاء. هو اسير التشرد سبقك وجاوب جواب صحيح.
من حيث انو جاوب بجواب "ووالتر راليه" وهالكاتب. هو عندو مؤلف بهالاسم.
بكل الاحوال انا بالفعل ما كتبت تكملة السؤال لاكن نوهت وعدت وحكيت الف مرة انو الاجوبة موجودة بقسم التاريخ. يعني لو جايب الجواب من قسم التاريخ كان ما لقيت غير هالكاتب. بس.
وكنت رح ارجع وحط المعلومة عن الشخص. لاني عالسرعة ما انتبهت شو كتبت.
اقتباس:
اما قسم التاريخ (مع كامل الاحترام لكل الاعضاء )مش مكان متخصص تقدر تحكم منو على مصداقية المعلومه ,(هل يستخدم احد قواعد البحث العلمي ؟؟)واذا كان هناك من يستخدمها فبأي الوسائل والامكانيات ؟؟؟
عندما يتعلق الامر بالتاريخ , يكون علينا اختيار اكثر المصادر الموثق بها تاريخيا و اكثر المؤسسات المتخصصه في هذا المجال
|
محمد لما انت رحت دورت على سؤال بموقع ويكيبيديا. موقع ويكيديبيديا كلو وكل مصداقيتو. عطاك جواب خاطئ.
وانت وقتها قلتلي انو ويكيبيديا مانو موقع عادي. هو موسوعة.
هاي موسوعة عالمية. مترجمة لكل لغات العالم. وطلع فيها اخطاء.
ف من الطبيعي انك تلاقي اخطاء وين ما كان.
بالتاريخ مافي شي 100% دقيق
بالنسبة للاسئلة اللي عم تنطرح بالمسابقة. انا عم حاول قد ما بقدر كون دقيق بالمعلومة. انو ما تكون خطأ. وعم عدل على الموضوع ان كان في معولمة خطأ قبل ما حط سؤالها. مشان توصل المعلومة صحيحة (نعم باخر اسبوع صار معي خطأ بسؤال من الاسئلة. متل ما سبق ونوهت هالفترة شوي عليي ضغط).
ما قدرت اتأكد منو بالشكل الكافي. يعني اتأكد منو من مصدر واحد. ومع الاسف المصدر طلع فيه خطأ.
فبالنسبة للاسئلة. نعم اجوبتها بمنتهى الدقة (باستثناء هداك السؤال, اللي كانت المعلومة فيه خاطئة).
بالنسبة للسؤال نفسو, فانا كنت كاتب السؤال على شقين. بالاول هية المعلومة والتاني هو السؤال. عالسرعة ما انتبهت للمعلومة. وحطيت السؤال بس.
بكل الاحوال انا صحيح غلطت بالسؤال. بس اسير اتبع اللي حكيتو. وجاب جواب صحيح. وكان هو اول واحد ليجيبو, فبالتالي هو بيستحق العلامة.
هلق باحدى ردودو قال اني انا قلت السؤال عليه علامتين!!!
اقتباس:
|
اكيد هلأ هالسؤال عليه علامتين متل ما وعدنا فيه جاد ... حسب اخر تصريح الو بموضوع مسابقة التاريخ ...
|
لاء انا ما قلت هالحكي
انا قلت
اقتباس:
يلا حميانة
شدو الهمة
في عندي سؤالين رح يكون عليهون علامتين.
يعني لسى في فرصة ل 13 علامة
|
يعني ما قلت انو هاد السؤال بالتحديد.
بكل الاحوال السؤال اللي عليه علامتين انا بنوه عليه وقت بحط السؤال.
