الظاهر أنو فكرتنا واحدة ( النفعية ) بس التعبير رح يكون مختلف
أنا بشوف الضمير متصل أكتر بوعي الذات
والضمير كوعي للذات هو اللي بيدفع الإنسان لتحقيق ذاته بواقع ظروفه، من خلال سلوك بيتوافق مع الحقيقة اللي عم يسعالها
الإنسان بيبدا مسيرته بصياغة التاريخ الشخصي بإطار علاقته بالآخرين وهو واعي لذاته بأنو كائن مستقل بتربطو علاقة مع الآخرين
هذا الوعي هو الضمير ... الضمير اللي بيسعى لتأسيس علاقات مع الآخرين تكون مريحة للإنسان
فبيرتب أولوياته وحاجاته وبيوازن بينها وبين حاجات الآخرين ليقدر يعيش بجو احترام متبادل
يعني إذا بدنا نحكي بصياغة أخرى
الضمير هو اللي بيحمل الإنسان لأنو يكون عاقل ما بتوجهو الغرائز فقط وهالشي لينمو وينضج داخل نسيج علاقات انسانية سليمة بتربطو بالناس الآخرين اللي حواليه
// وأنّ حضورك في دمي مسكُ الختام //
|