صرلو سني
صرلو سني ما زارنا
وما عاد عتَّب دارنا
واهان كان بحيِّنا
ويمُّر يشرب عندنا
قهوي
ويحكي وحكي يجر الحكي
ولما يفل بتلحقو
خفقات قلب التاعبو .. مش قادر يقلك
الك يا حلو بيت بقلبنا
صرلو سني ما طل وابأيدو الورد
ومنعرفو من قبل ما نفتحلو باب البيت
ومافي وعد
من خطوتو من دقتو من حال جوا حالنا بيقول
هيدي هلِّتو
ونفتح على ضحكة الو
تفتح حبق ببالنا
ذبلت عريشتنا يلي كان تحتا يقول شِعر مدله وملتاع
وانكسرت الخابي ونشفت مي
وما في حكي داير ولا منشاع
يا غيبتو يا الف شتوية برد
وعنّا حطب مبلول ما بيعطي الدفا
يمكنو ناطر رجعتو
هوي الدفا لقلوب بيضا حبتو
سميح شقير
|