[krimbow]

انا عم احكي عن مسرحية "نهر الجنون " تبع توفيء الحكيم يللي موجودة كمثال بكتاب البكالوريا علمي تبع العربي (مثال عن المسرحية)

القصة انو كان في ملك شاف بمنامو انو النهر تلوث و كل مين بيشرب منو بيجن و انو الملك طالع فرمان ممنوع الناس تشرب مي مشان ما تجن بس الناس ما بترد عليه و الكل بيشرب و ما ضل بالاخير غير هوي و وزيرو ما شربوا من مية النهر و عم يشربوا خمر و زعلانين ع الناس و خصوصي الملكة لأنو شربوا من المي و جنوا
و بنفس الوأت بيفرجيك كيف الملكة زعلانة ع الملك لأنو جن و ما عم يشرب غير خمر كل الوأت
و بالاخير بيفرجيك انو الملك بيسلم امرو لالله و بيشرب من المي و بيجن متلو متل غيرو (تطبيقا لمبدأ اذا جن ربعك عألك ما بينفعك) :P
بقى هدول الشيوعيين صاير فيهم متل الملك بس لسا ما سلموا امرهم لالله (يمكن لأنو ما بيعرفوا :P )
يعني مفكرين انو هنين مفتحين و باقي الناس كلها مغمضة يا حرام و كل شوي عم تتدحكل و توأع

هلأ مين الصح و مين الغلط ما بعرف
بس اكيد يا اما الشيوعيين هنين يللي جانيين يا اما الشعب هوي يللي جانن