اقتباس:
كاتب النص الأصلي : ابو نجبو
الحكي ...وعلى ذمّة باتريك سيل ...انو اختلاف التوجهات و الاهداف بين القيادة المصرية و السورية أدّى لخسارة الحرب ...
|
واختلاف التوجّهات السوريّة - العراقيّة (للإضافة)!
اقتباس:
|
على هوا الكاتب ....انو السادات مقرر سلفاً انو يعبر القناة و يوقف جيشو ....وينخرط بمباحثات سلام...
|
مو بس السّادات... الأسد كمان كان عندو مخطّط شبيه!
اقتباس:
|
وهالحكي كان خافي عن القيادة العسكرية السورية واللي كان من المفروض يكون التنسيق بين الجبهتين على أعلى مستوى ....وانو الخطة بتقتضي بالطحش للوصول لقلب الكيان ....
|
بعمرا ما كانت هيك الخطّة... السّادات مبطّن نيّات والأسد نيّات أخرى والقيادة العراقيّة نيّات تختلف عن الجوز!
لو السّادات أفصح عن أهدافه الحقيقيّة فميّة بالميّة الأسد كان رح يخفي أهدافه!
اقتباس:
حتى انو يقال .....وكمان على ذمّة الكاتب .....انو السادات واضع خطّة هجوم غير الخطة المعمول بها مع السوريين..
ولمّا بيجتمع مع قادته العسكريين كان يناقش الخطة الحقيقية ...ولما بيجتمعو مع السوريين كانو يناقشو الخطّة المزيّفة ...
|
والأمر ذاته بين القيادة السّوريّة والقيادة العراقيّة!
اقتباس:
كاتب النص الأصلي : ابو نجبو
هون مربط الفرس .....
صحيح انو السادات حقق كافّة أهدافو المرحلية و النهائية ...القطريّة ...على حساب الهدف الاكبر للعرب عامّة ...
|
بعمرو ما كان في هدف واحد للبلدان الناطقة بالعربيّة!
والسّادات بيعرف هالشي تمام المعرفة، وخاصّة بعد فشل الوحدة السوريّة - المصريّة فشل ذريع! وكانت أكبر دليل وتجربة على اختلاف الأهداف والتوجّهات على كافّة الصّعد والمستويات.
اقتباس:
كاتب النص الأصلي : Nasserm
بس طبعاً هاد ما بيعني إنو السادات ما كان "جحش"
|
السّادات ما كان متل ما وصفتو على الإطلاق... طلع الأذكى بين الجميع، فبدل ما يتعشّوا فيه تغدّى فين!
لو ما عمل هيك السّادات غيرو كان عمل وكان هداك الوقت بتطلق عليه صفة "جحش"!
اقتباس:
كاتب النص الأصلي : ابو نجبو
بعد الحرب ...بتصوري ...فرط عقد العرب ...
|
ليش إيمت كانوا عقد واحد ليفرط؟
اعطيني مثال واحد من التاريخ بيدلّ على أنّو كان في عرب متّحدين! ما كان عندن لا عقد ولا ما يحزنون!
Mors ultima ratio
.
www.tuesillevir.blogspot.com
|