بالنسبة لموضوع الثغرة و احداث الجبهة المصرية, بظن شهادة سعد الدين الشاذلي اللي انعرضت من فترة قريبة على الجزيرة و لساها موجودة على اليوتيوب بتلخص كل شي صار
النقطة الابرز اللي حكاها الشاذلي بشهادتو و بتخص الجبهة السورية , هي خطأ الاقتناع اللي كان سائد و مازال للاسف, انو تطوير الهجوم على الجبهة المصرية كان كفيل بتخفيف الضغط عن الجبهة السورية و بالتالي كل اللي صار على الجبهة السورية كان سببو الوحيد هو المصريين.
الانتصار اللي صار باول كم يوم بالحرب كان سببو الرئيس انو السوريين والمصريين اتصرفوا ضمن امكانياتن المتاحة, و اهم شي ضمن امكانيات التسليح اللي حصلوا علي من الاتحاد السوفييتي, بغض النظر عن القصص الخيالية اللي نسجت بعدين انو كان هدف الحرب تحرير القدس و تدمير اسرائيل بس القيادة السياسية بمصر وسوريا كانوا عرفانين انو في خط احمر مرسوم مو بس من قبل الامريكيين و السوفييت كمان, وهالخط هو عدم تهديد وجود اسرائيل باي شكل.
يعني الحرب بالنهاية كانت لتحريك الموقف عسكريا وتطوير الانجاز العسكري لانتصار سياسي واللي صار انو اسرائيل استطاعت تحرم المصريين و السوريين من الحصول على الانتصار السياسي وحولتوا لانتصار سياسي لصالحها تمثل باخراج مصر من معادلة الصراع نهائيا.
|