بتمنى إعمل شي فيد فيه بلدي, مجتمعي, والناس إلي حواليي ضمن إمكانياتي
شيء متل شو
ما تحسبها تطفل هي بس سرقة افكار
إني حقق السعادة وراحة البال لأغلى تنين على قلبي على وجه الكرة الأرضية, إمي وأبي
ممكن إني عيشهن بسعادة وريحهن بس أد ما رح أدملهن رح ضل مقصر بحقهن
اكيد رغم فضائلهم الي مستحيل نردها
بتقدر تعطيهم سعادة الاعتزاز بتربية انسان صالح طموح محب وفعال
الفشل هو المُرافق الدائم لإلي, كل الأشياء إلي بعملها ما بتنجح من أول مرة دايماً بحاول مرة وتنتين تلاتة حتى تنجح, لهيك في عندي خوف كبير منّو لأنو مو دائماً بناخد الفرصة حتى نعيد الشيء إلي فشلنا فيه.
بخاف كتير منّو لمّأ كون عرفان إنو ماعندي فرصة تانية
الفشل هو الاستلام
ومادامنا نعرف غلطتنا ونصلحها لنرجع من جديد بروح جديدة مافي خوف منو
الإكتفاء بالوضع الحالي دون السعي لتحسينه بيتعلق بالظروف المحيطة, يعني أنا ممكن يكون إنتاجي بطريق تحقيق هدفي جداً ممتاز بس مرّات بنتعرض لظروف خارجة عن إرادتنا صعب الإنتصار عليها وممكن يكون مستحيل بتوقفنا عن تحقيق هدفنا, ممكن توقفنا لفترة زمنية معينة وبعدها نرجع نتابع وممكن توقفنا بشكل لا رجعة فيه
حتى لما تكسرنا رياح الاقدار لما نرجع نجمع اشلاءنا ونقوم من جديد
وحتى لو استحال السير على نفس الدرب
اكيد بنكون صرنا اقوى من جهة اخرى و ضروري نستغل قوتنا الجديدة
تغييره بيتعلق بالظروف المحيطة متل ما حكيت قبل شوي, لهيك ممكن كتير إني استبدلوا بشي ضمن الإمكانيات والظروف المتواجدة
لمّا يكون تأثيروا على شخص واحد, إلي هو أنا بس فالتحدي واجب لأني أنا الوحيد إلي حيخسر هالتحدي وما رح يأثر عالناس إلي حواليي
لمّا خسارتي للتحدي حيكون إلها تأثير سلبي على عيلتي, على أصدقائي
وقفت مرة بهالموقف ومع ان التاثير السلبي المتوقع على اللي حواليي كان كتير صغير
تراجعت
بس اتفاجات ان تراجعي عمل تاثير اسوا بكتييييييييير علي وعليهم طبعا
في مقولة بتئول مافي شي مستحيل بس في شي صعب وفي شي سهل
ترجع فلسطين
اللي بيقرا كل اجاباتك ما بيتوقع منك هالجملة
مستحيل ترجع فلسطين لحالها اي طبعا مستحيل
بس رح ترجع يوم نحن نحب نرجعها ونعمل على ارجاعها