[butterfly]

أهلا وسهلا ..
تم فصل الفهرس لجزئين .. جزء أدبي .. وجزء عام لسهولة التصفح وإيجاد الكتب

الفهرس رح يكون مصنف بأكتر من طريقة
الكتب حسب الموضوع اللي بتندرج ضمنو " سياسة ، حقوق ، علم نفس ... إلخ "
أهم الكتب بحسب أحرف الأبجدية لأسماء الكتاب والمفكرين


فيك تطلع على الفهرس الأدبي
فهرس مكتبة أخوية الكتب الأدبية

هلق ممكن الواحد يخطرلو " أي الواحد كتير اوقات بيخطرلو خواطر ، وما بيلاقي حدا يجاوبو عليها .. او ما بيسترجي أوقات يخطرلو عنا ما في شي من هالحكي ، فيك برياحة يخطرلك ومنجاوبك "
اي منرجع ، الواحد بيخطرلو أنو لشو هالفزلكة هي كلها ، وشو فاضيين هالناس وماوراهن شي مليون فهرس ومليون طريقة ، لك عمي لا فاضين ولا شي بس هيك قلنا منسهل عليك التصفح وانك تدور ع الكتاب اللي بدك ياه وتوصلو فورا
يعني انت وبلا طول سيرة لنفرض اخي بتحب تقرا ادب سوري " هيك بيجي مراقك " بدك تفتل سبع ساعات بهالمكتبة ولا بتروح
فهرس المكتبة --- أدباء سوريا --- الكتاب اللي بدك ياه ؟
يعني ببساطة جواب سؤالك ، أخي نحنا منحب ندللك بالمكتبة ولو منقدر نقرا الكتاب بدالك كنا قرينالك ياه ..

على كل خليك مركز معي بهالكام نقطة ( صار حاكينن مليون مرة وكل مرة ما عم ارجع اكتبن الله وكيلك عم أعملن كونترول سي وكونترول في ) :

• قبل ما تنزل أي كتاب بأخوية بتساعدنا وبتوفر علينا وقت .. إذا بتطلعلك تطليعة هون مشان ما يكون الكتاب مكرر

• كمان كمان شغلة ... إذا شي رابط ما اشتغل معكون أو إذا شي رابط نقلك هيك بالصدفة البحتة عمحل تاني

ما بيكون شاءت الأقدار أنو تقرا الكتاب التاني ... بس بيكون في غلط صغير ... وياريت لو تعطينا من وقتك شوي وتبعتلي تقلي أنو الرابط مو شغال ...

• وأخر شغلة... الشكر اللي بتكتبوه بيعنيلينا كتير وبيشجعنا بس بيأسفنا انو رح نحذفو مشان يضل الموضوع شيك