اقتباس:
كاتب النص الأصلي : VivaSyria
...
التصدي لهالطيران يلي اخترق أجوائنا وللإنزل يلي صار.. تحديداً انو الطائرات كانت طائرات عامودية... خطين تحت عامودية يعني هيلكوبتر يعني مو F16 ولا F22 حتى نقول انو مضاداتنا مابتجيبا... والرد على أرضنا بتكفلو كل المواثيق والأعرفا الدولية... بس أكيد في سبب وجيه عند الشباب انو مانرد...
قطع العلاقات الدبلوماسية مع أميركا وطرد القائم بالأعمال...
الرد على الغارات الاسرائيلية المتواصلة ويلي استباحت أرضنا وشعبنا... الرد بدو يفتح جبهة؟ اي عمي تنفتح هالجبهة بقا.. صرلنا 40 سنة عم نستعد للمواجهة.. ما حلنا نجهز بقا؟؟
|
انو هالنظام اجبن منو عن جد مافي , والله اجبن من اصغر دولة خليجية تابعة لاميركا
خيو بلا الاجراءات العسكرية اللي عم تحكي عنها, بس يقطعوا العلاقات الدبلوماسية , لك مو على اساس نظام ممانعة وواقف بوجه امريكا لحالو و مدوخ الامريكان طيب اقطعوا العلاقات الدبلوماسية لنشوف
شافيز طرد السفير الامريكي لسبب بكتير من اللي صار ومو سائل عن امريكا
بس هي من سابع المستحيلات عندن , ما هني باسوا الارض ليفتحوا قناة تفاوض مع اسرائيل بس لتتعطف امريكا وتقبل تبعتلن شي مسؤول درجة عاشرة بوزارة الخارجية ليتصور مع بطل الصمود والتصدي
مشان هيك حتى لو الامريكان ضموا البوكمال للعراق متل ما تركيا ضمت اسكندرون واسرائيل ضمت الجولان ما رح يتغير شي , مو المهم سوريا تروح كلها المهم عنا قيادة حكيمة ملزقة على كرسي الحكم