[ابو ريتا]

كاتب النص الأصلي : ayhamm26

أول شي هات حطلي شي اقتباس من شي انا كاتبو عم دافع في عن نظام ديني او عن الاخوان المسلمين, هات لشوف عم استناك.


تاني شي انت عم تحاول متل زميلك التاني تدافع عن الجرائم اللي صارت على اعتبار انو الضحايا بيستاهلو واكلو نصيبن و لولا اللي صار كانت سوريا ضاعت, رغم انو النهج الدكتاتوري القمعي تبع حافظ الاسد و ابنو من بعدو ما كان مو مرتبط لا بالاخوان ولا بغيرن و جرائم الاخوان كانت مجرد تبرير لتدجين المجتمع السوري.

هلق افتراض انو كل اللي بيحكي على جرائم النظام هو اخونجي رديت علي فوق, بس انو ليش بينحكى دايما عن جرائم النظام و ليس عن جرائم الاخوان ؟؟؟ سؤال وجيه فعلا !!

تخيل معي انو بحارتك اللي انت ساكن فيها صارت جريمتين كل وحدة العن من التانية, وحدة منن انمسك المجرم و اتعلقت مشنقتو قدام العالم والتانية المجرم عم يتمختر كل يوم رايح جاي و ما حدا بيسترجي يقرب عليه, شو رايك الناس عن انو جريمة بتحكي اكتر؟؟؟

الشي اللي بيخلي كل صاحب ضمير حي ما يفكر بطريقة طائفية بغض النظر عن الفكر والدين اللي يؤمن في , يذكر مجازر حماة وتدمر و سجن صيدنايا وغيرها هو الكم الهائل من الابرياء اللي راحوا و اللي بتاريخ سوريا الحديث كلو ما صار شي متلو من قبل, انا عم احكي عن ابرياء , ناس اعتقلوا على اساس الطائفة فقط و اعترفوا تحت التعذيب بشي ما عملوا وانعدموا واندفنوا بمقابر جماعية.

مابعرف شلون بتظبط معنا انو منزعل على الضباط و الموظفين الابرياء اللي قتلوهن الاخوان على اساس طائفي ومنعتبر كل اللي انقتلوا من طرف السلطة كمان على اساس طائفي قتلن مبرر وبيستاهلوا؟؟؟؟

انا بعتبر دم اي سوري انقتل بهديك الفترة كان خسارة لاتعوض لسوريا , بس بتعرف انت مثلا انو في اكتر من 15 الف بني ادم مختفين من دون اي اثر و على الاغلب مدفونين بمقابر جماعية, بتعرف لو كان فين واحد على الاقل بس برئ فهدا الشي كفيل باعتبارها جريمة ابادة جماعية.

بعدين تعى لقلك طالما برأيك هالشي اللي صار مبرر و كان لازم يصير وشي بيرفع الراس, ليش ما بيعترفوا بهالمدابح اللي صارت و يكرموا اللي نفذها على اعتباروا بطل قومي؟؟ ليش مجرد الحكي عنها بتعرف لوين بيودي صاحبو؟؟؟



غريب ما........

هممممم ... لساتك عم تحكي نفس الحكي .... شو صرلنا ساعة عم نعمل نحنا !!!!
متل الي عم يغني بالطاحون !!!!
الحكومة والنظام ماعمل هالشي لولا ما عملو الاخوان الي عملوه !!!!فهمت هلأ ؟؟؟؟ ولا ارجع اشرحلك ؟؟؟
واي شخص طبيعي كان المفروض يعمل الي عملوه الحكومة ...... و حاجة تقلي ضحايا .... روح على حماة
واسألهون عن حماة وشو صار فيها !!!!!!
وحوادث صيدنايا الأخيرة ..... ليش سكتت حضرتك وما حكيت عنها ؟؟ ليش ما رديت ؟؟؟
أصلا ما عندك شي ترّد عليه !!!!! أي شي بدو يهدد أمن الوطن والمواطن الحكومة عم تتخذ الاجراءات المناسبة
لقمعها .... وهاد شي ضروري .....
لكن الصبح الساعة 5 بيهاجمو مبنى الاذاعة والتلفزيون !!!! هدول الي عم دافع عنن ؟؟؟؟؟
وما تكبر بموضوع مانك قدو ...