النصيحة النصيحة
صباحو
هلآ أنا عندي كيا سيراتو الموديل الجديد, اشتريتها بعد بحث وتمحيص شديدين,
أنا بطبعي ما كنت حب السيارات الكورية وبفضّل عليها السيارات اليابانية أو الأوروبية, لكن أخي اشترى قبلي بيجو 307 وماله مبسوط منها لسببين:
الأول بيتعلّق بالبلد يللي حضرتك ساكنة فيها, يعني إذا كنتي بسوريا فما بنصحك بالبيجو لأنه وكلائها حرامية
بقصد بخدمة ما بعد البيع.
بخصوص الستروين أوعك تشتريها, مصروف البينزين تبعها بيبكّي.
بالنسبة للكيا سيراتو أنا مبسوط منها لعدة أسباب أهمهن المصروف, سيارتي Manual gear, وبتعمل 265 كلم بالتنكة بالشتاء و245 كلم بالصيف (مع تشغيل المكيف) وهي عندي من الشهر 11/2006 والمصروف ما تغير,
بعدين الوكلاء جماعة محترمين, كتير حصل معي أشياء متل انه ابني أدخل CD بطريقة غلط بالقارئ وصلحولي العطل مجاناً, كسرت ذراع الإشارة وغيروها مجاناً رغم انه هالأعطال مو بضمن عقد الكفالة,
عملوا للدواليب إعادة توازن (ترصيص) مجاناً, فحص المخمّدات (أمورتسورات) كمان مجاناً وهاد الفحص بالذات بيكلّف 1500 ليرة بوكالة بيجو ولو السيارة ضمن مدة الضمان, و6000 ليرة بوكالة BMW (أبي معه بي إم) وقطع البيجو غالية كتير مقارنةً بالكيا.
المهم أنا صرت أنصح أي شخص بيسألني عن رأيي بشراء كيا, وإذا بدي اشتري سيارة تانية أو بدّل سيارتي مارح اشتري غير كيا
وتصطفلي...
خلصنا بقى
|