و الله يا نبيل قصتك كتير مؤثرة ..وكنت عم ببكي وقت اللي قريتها ..وحسيت بكل كلمه بكل سطر...شعورك الغربه وبالملل ذكرني بغربتي وبمللي ..انا كنت كل يوم بسمع موال كاظم الساهر ( يا دنيا انت اللي حرمتيني من اهلي ) وكنت بطق بكي على مقطع ( الأرض مو ارضي والجو مو جوي والناس مو ناسي)....بس برجع وبذكر حالي انا ليش تغربت ولازم اصبر و ادوس على عواطفي وحنيني ..بس كنت كل مرة بفشل وبعيد الكرّة ...وشي مرة رجعت على بلدي وعن جد انصدمت ...الناس قالت انو انا اللي متغيرة ويمكن معون حق ...لأنو انا كيف ما تركتون رجعت شفتون ..بس الغربه والصعاب خلتني اتغير وحسيت فيون تافهين وكتير سطحيين ...وقهرني هالأحساس قد ما تتخيل ..كنت اتمنى لو ما سافرت وتغربت او لو ما رجعت ...انا الي كنت اكره تدخل المجتمع العربي بحياه كل واحد مننا ...وين رايح؟؟ من وين جاي؟؟ مين حكى معك؟؟ شو بدك تعمل؟؟ صرت بالغربه اتحسر على واحد يدق بابي يقلي مرحبا كنت مستعده انطيه كل تفاصيل حياتي .
بس حبيت اقلك انك بعدك بأول الطريق ما تعذب حالك كتير ..مشكلتنا انو كل واحد مننا يبحث عن مكان مثالي وهالشي اكيد ما رح نلاقيه ..قوّي حالك على الزمن و ما تخلّي الزمن يقوى عليك ...والله معنا كلياتنا نحنه المغتربين
|