[Abu Guzef]

نشر غسيل !!

نموذج من نماذج نشر الغسيل وتلبيسو للنضاف

نشر الغسيل مو القصد العملية اللي بتقوم فيها بعد ما تغسل غسيلاتك لانو بهي الحال بيكونو نضاف

بس اليوم رح نحكي ع نشر الغسيل الوسخ وهوي يلي بيتم بيني !! وبينك ! وبينون وبينا وبينا وبينك وبينا وبين الكل

الدارج هلإيام نشر غسيل بعض

يعني في فلان وابو شريك وابو صخر الكل صحبة بين بيعض

فلان وابو شريك صحبة للعضم للعضم

ابو صخر صحبة مع التنين
فلان وابو شريك بما انن صحبة للعضم ف بيعرفو بعض للعضم وكل واحد بيعرف عن التاني المكشوف والمغطى
فيك تقول انو ابوصخر هوي صحيح رفيق التنين بس ما بيعرف المكشوف والمغطى عن الشباب قد مات بيعرفو هني عن بعض

بيوم من هلايام فلان رافق ابو نجس
هلا ابو نجس تعرف عليه الكل ونضم للشلة بس هل أبو نجس اييييييه ابو نجس اسم راكبو ركب

يعني من النوع يلي بيعمرلك قصور بالهوا وبس يسكت ويمر يوم ما بتلاقي لاقصور ولا من يحزنون ولا من يفرحون

فلان وابوشريك عم تخف علاقتن تدريجيا بتناسب مع علاقة فلان ب ابو نجس

زعل فلان وابو شريك من بعض زعلة ماكنة ما عادو متل قبل بس في نوع من الرسميات بينن بحيث لا ضرر ولا ضرار

طبعاً مين حس بالقصة ابو صخر
هلابوصخر ياخي درويش وقلبو طيب وما بيحب يزعل حدا وفي لكل واحد من الشباب بقلبو معزة بس كان في شب بيحبو كتير ومتعلق فيه

مع انو ابوصخر قلبو طيب بس عرفان نوايا ابونجس يلي لازم يخرب كل شي حلو بيقلع الورد وبيزرع الشوك هلابو نجس

بس ياخي ما فيو ابوصخر يقول ل فلان انو دير بالك من ابو نجس لانو ابو صخر صاحبو لابو نجس بس عالخفيف

بما انو هلا ابو شريك وفلان تزاعلو من بعض ف ابو صخر بيسلم ع هاد و ع هاد

وبصفة الرفقة اللي بتجمعو مع الكل
صار فلان يقول عن ابو شريك شغلات ما بتنحكا
وابو شريك بدورو ما قصر ع فلان

لك هلا ابو صخر كيف بدو يحسبا لك لعفا ما بحب انو اخسر لا هاد ولا هاد
ولابدي زعل لا هاد ولا هاد

طيب شو بدك تسوي يا ابو صخر

فتلا فتلا براسو لعفا مو زابطة

بس انو ابو صخر بيحب ابوشريك اكتر من فلان

طيب شو هلا يا ابو صخر الشباب عم تنشر غسيلا قدامك طيب لمو لمو لنشوف

لملم هال ابو صخر الغسيلات

مرت اوقات ع ابو صخر يمسك الارضي ويحاكي فلان ويمسك الموبايل ويحاكي ابو شريك بنفس الوقت

طيب اييييه وشو هلا

بيحكي فلان معو بيخبص شوي ع ابو شريك

بيحكي ابو شريك معو بيخبص شوي ع فلان

لك يا جماعة وكلو الله تعو نفهم القصة طيب

فهم القصة ابوصخر من هون ومن هون سمعا من ابو شريك ومن فلان

انو كل واحد يقلو قصة وما لقا خيوط بين القصتين

لك لعفا شو بدنا نسوي


هيك ع هالحالة الشباب



بيوم من هلايام بيطلع ابو صخر بيفوت بالحارة

بيلاقي الشباب مجتمعين و يلي هني ابو شريك وفلان

ابو صخر : مرحبا شباب !!!!

فلان : اهلا

ابو شريك : ساكت ابو شريك ما حكا شي


لعفا لك ابو صخر بيحبو ل ابو شريك اكتر

نكشو بالحكي مرة وتنين وتلاتة بس تخنت يعني باينة القصة ما عم يرد عليه ابو شريك ل اب صخر


نامت القصة رجع ابو صخر عالبيت
ستناول هالتلفون
ترررن تررررن ... توت توت توت .... ما حدا رد

طيب مرة تانية ... وهي رسالة صوتية ....

تاني يوم ..

يلا اكيد ابو شريك سمع الفويس مسج واليوم منشوفو وبسلم عليه

طلع ولا لاقا الشباب مجتمعين

الكل سلم عليه الا ابوشريك


ابو صخر عم يكمل بطريقو ويفكر يحرق سما هالحكي شبوووو !!!


رجع عالبيت كمان ستناول هالتلفون الو الو الو ابو شريك ... لك كيفك ..

ابو شريك : (بنشافة ) اهلين .

ابو صخر : لك طمني عنك كيفك ليش هيك عم يصير معك

لا تكون بس زعلان مني !!!!

ابو شريك : اسف انا خيو مشغول كتير هلا باي ... توت .. توت ... توت

ابو صخر مسك السماعة وتطلع فيا من تحت لفوق

يلا بيكون مشغول ما مشكلة ابوشريك عندو شغل كتير بنحاكيه

طلع ابو صخر لبرى ولا لقا ابوشريك واقف وعم يلعي ويلت مع فلان وعادي ومبسوطين !!!

ابو صخر بقلبو عم يقول طيب مو هلا كان مشغول !!!!

يلا ما مشكلة

وراحت الايام ومرت الايام


دق ابو صخر ل ابو شريك يسلم عليه ويتطمن ولا بيقلو ابو شريك !

اخي خلص لا تسال عني تركني بحالي اريحلك

ابو صخر غصت بقلبو بلع الجرح وقال ل ابو شريك بصوت محروق تصبح على خيــر .

سكر ابو صخر وقعد لحالو جاب هالقهوة والدخان وقعد يرسم ويضرب ويجمع ويقسم

لك والله ما سويتلو شي

لك والله بحبو لهل زلمة لك انا اكتر واحد بيحبو وبيتمنالو الخير ولهلا بضل اتمنالو كل خير

روح يا ابو شريك الله يوفقك ب شغلك وحياتك

ولليوم ابوشريك ما تنازل ورفع سماعة وسأل عن ابو صخر

ولليوم ابو صخر بيضل يتطمن عن ابو شريك ويعرف اخبارو ويزعل ع زعلو ويفرح ع فرحو

ولليوم ابو صخر عم يستنى تلفون او اي حكي من ابو شريك


ورجع فلان وابو شريك صحبة بس مو متل اول بسبب تواجد ابو نجس بصف فلان

وصار كانو ابوصخر يلي حمل هم فلان وهم ابوشريك ويلي سمع من هاد ومن هاد وسكت عن التنين

طلعوه ب انو هوي السبب وهوي الزلمة يلي بينشر غسيل العالم

مع انو ابوصخر هوي الوحيد يلي ضب الغسيل والحكي واللت ويلي حاول يرجع فلان وابوشريك متل ما كانو

بس للاسف رجعو الشباب رفقة

وطلعت من ضهر ابو صخر المسكين

---------




و ل اليوم ازا بتسال ابو صخر شو رايك ب ابو شريك ما بتسمع منو غير كل حكي منيح عم يقولو ع ابو شريك

بس للاسف يا ابو صخر طلعت من ضهرك وانت صرت الالعكاز يلي تعكز عليه فلان وابو شريك

ولما طابو زتوك بالنار وتدفو عليك ..

----------