بالبدايه بحيي والدة ناي ومعجبه كتير فيها وبعتبرها نموذج مشرف وقدوة
اشاركك الاعجاب والاحترام
برأيي ومن واقع تجربتي الشخصيه البسيطه جدا
ضروري يكون يلي بيشتغل بمهنة التعليم حابب هل مهنه
اكيد ضروري
ومؤمن بدور المعلم الخطير ببناء المجتمع وماياخدها انو مهنه وخلص
انا اخترت هل مهنه وحاببتها ولقيت حالي فيها
اهلا استاذه: راما
وبستمتع بكل لحظه بين ولادي وبناتي الزغار
وبحب اتعامل مع الاطفال وبحس حالي قريبه كتير عليهن
وبفهم عليهن وحبوني وتعلقو فيني بفترة قياسيه كتير
وانا حبيتك بفترة قياسية كتير
ومابنسى انو مو معنى انن اطفال انو استهين بعقلياتهن وتفكيرهن
bravo!
بالعكس عم بتفاجأ بأفكارهن وقدراتهن وبنبسط فيها كتير
وبحب كتير اتحاور معهن وناقشهن وبيفاجئوني بمستوى تفكيرهن
هلأ بغض النظر عن النظريات انا بؤمن كتير بالتعليم والتربيه بالحب
حتى مع حاجة بعض المواقف الى القسوة والحزم
ضروري تكون هل قسوة والحزم عن حب
وضروري يحس الطفل او الطالب عموما بهاد الحب
ويعرف وقتا يتعاقب انو هاد العقاب مو نتيجة كره لشخصو انما عدم رضا عن تصرفو
وضروري يحس انو عم نعاقب التصرف يلي عملو ماعم نعاقب شخصو
ونحسسو بالحب حتى نحنا وعم نعاقبو
ومؤمنه انو الحب حاجة نفسيه للانسان بتحتاج باستمرار للاشباع
ولاحظت انو في كتير من الاطفال يلي عندي محتاجين للحب
وماعم بلاقو الاشباع العاطفي من الاهل ف بحاول عوضهن عن هاد النقص
صحي هيي تجربه جديدة وعم واجه صعوبات واخطاء يمكن ناتجه عن قلة الخبرة
بس عم بستمتع كتير بهاي التجربه
انا اكيده ان تلامذتك مستمتعين معك اكثر
كتير كتير حبيت هاد الموضوع وقرأتو اكتر من مرة واستفدت منو كتير
واسفه للاطاله
يسلمو ايديكي
