اقتباس:
كاتب النص الأصلي : flower bomb
ان رصد الأطفال وهم يتبعون القواعد وامتداحهم يساعدان على تدعيم السلوكيات الناجحة, وعلى الحفاظ على المناخ الايجابي داخل وخارج الفصل.
|
في افكار قرأتها وعم بطبقها وحاسستا كتير مفيدة
وعم تساعدني بتدعيم السلوكيات الايجابيه
بس ضروري كتير قبل مانعمل اي شي
نعرف اهتمام كل ولد وبنت بالفصل
وشو الشغلات يلي بحبها وبيفضلها وبتلفت انتباهو والعكس
هاي الافكار وإن كانت تحتاج إلى جهد
بس لاحظت انو اثرها في رفع ثقة الطالب بنفسو قوية كتير
واكيد لابد من وجود الحوافز على طول
وتعزيز شعور الطالب بأهمية عمله .
ولاحظت من تطبيق هاي االطرق شغله كتير مهمه
انو غالبا ما بكون الطلاب العنيدين والمشاكسين ويلي بيعزبو
بكونو ضعيفين الثقة بالنفس وان كانو بالظاهر عكس هيك
وهدول بيحسو بداخلهن انن هنن اقل من الباقيين
وكل شي بعملو مالو قيمة ولا فائدة .
لهيك بحاول عزز ثقتهن بنفسهن اكتر وبقدر ايا شغله بيعملوها
حتى ولو كانت صغيرة وببين الهن أهمية هاد العمل بحياتهن وحياة الآخرين
متل (حضورو للمدرسة ، إحضارو لأدوات المدرسة ،
عدم ازعاجو في الفصل ، نظافتو ، مشاركتو لزملائو في عمل ما ،
كتابتو للواجب ، روحو المرحة , حبو للغير ,عقلو الكبير,
اهتمامو بالاخرين , مواهبو بمجال ما,
فضلا عن مشاركاتو في الدرس ولو كانت قليلة ) .
واهم شي أنو نكرر هاد التعزيز والاعجاب
لانو لاحظت انن ما بسدقو بالبداية لكن مع التكرار
ح يترسخ مفهوم قيمة اي عمل او سلوك
يعملو ويشعر بالثقه وهاد الشي بيدفعو للعمل وتصحيح سلوكياتو
واسفه كمان مرة للاطاله 
سوريا يا بلدي يا أحلى البلاد ... دبحتيني بحبك اي حاجي عاد
متى ستعرف كم اهواك يا املا ابيع من اجله الدنيا ومافيها
لو تطلب البحر في عينيك اسكبه او تطلب الشمس في كفيك ارميها
I want to be with you all the time
الكلمات الجميلة تشبه اصحابها
|