اقتباس:
ليش انتو هيك بيضل نبضكن قوي عالأعضاء الجدد؟
|
عفواً؟ ما فهمت.. مين نحنا؟ و شو نبضنا؟
اقتباس:
- بما يخص الجامعة، العملية اللي صارت تخص أخوه الزغير اللي خلق كdesigner baby حتى ينقذ أخوه. تمويل هكذا أبحاث في جامعات أوروبا يأتي دائما من القطاع الخاص. كل جامعة عندها sponsor، و خاصة فيما يتعلق بالأبحاث الجينية. لإنو أغلب الحكومات مش عم تستثمر بهالمواضيع.
|
العفو منك بس هالكلام مش صحيح, على الأخص فيما يخص اسبانيا حيث الجامعات العمومية عمومية و لا تتلقى إلا تمويل حكومي, و المشافي الجامعية هي مشافي حكومية تتبع منظومة الصحة العامة و تتموّل من المخصصات الحكومية لهالمنظومة الصحية.
و هالعلاج تمويلو حكومي مية بالمية, متلو متل 90% من الصحة في اسبانيا ( و الداعي و لا فخر عم يحكي عن خبرة و معايشة)
اقتباس:
|
- بخصوص العدل، أنا مش ضد هيك عمليات أبدا.. و طبعا مش ضد هيك أبحاث علمية... بس الموضوع بدأ بسؤال من يضع الحدود للعلم، و أنا أرى أنه طول ما أن المال الخاص يلهث وراء تحسين صورة الأبحاث الجينية عند الناخبين، يعني الشغلة فيها إنّ فيما يخص العلم كعلم بفكرته السامية.
|
ما بعرف ليش هالاصرار على البحث عن نظرية مؤامرة بالموضوع... الأبحاث الجينية بإمكانها المساهمة بإنقاذ حياة هذا يعني انها ايجابية, و العمل على تطويرها واجب و أولوي على إنفاقات تافهة سخيفة كالتكنولوجيا العسكرية.. مثلا..
و برجع قول.. هالبحث بالذات مانو بتمويل خاص, و حتى لو تمويل خاص... وين المشكلة؟
اقتباس:
|
- بخصوص أفريقيا، أصغر موظف في أصغر شركة سويسرية منتجة للكاكاو في غانا بيقبض أكتر من الرئيس الغاني. شافطين منن الهواء و عم يستعبدوهن فيه.. و اللي بيجمّع قرشين منن، بيبيعوه سلاح فيهن.
|
ما بعرف قديه ثروة الرئيس الغاني بس في كتير من ديكتاتوريي أفريقيا هنن من كبار أغنياء العالم, و مزبوط هنن مجرد دمى بإيد من يحاول استعباد هالقارّة..
و لكن برجع اتساءل ذو ذنب الطفل هاد بهالحكي لحتى ما يكون عدل انقاذ حياتو؟
اقتباس:
|
- التشاد أو النيجر أو الكونغو بيشترو سلاح لإنن مجبورين يشترو سلاح.. ممنوع عليهم أن يستقروا إقتصاديا.. أكبر مثل السودان اليوم.
|
مجبورين يشترو سلاح لأنهون محكومين بطغمة تتصارع على الموارد لبيعها للشركة الغربية اللي عم تتعامل معهون, و المصاري تروح حق سلاح جديد و هكذا و هكذا...
و كمان برجع اتساءل هون شو ذنب الطفل...
بعيداً عن نظريات المؤامرة... كل إنفاق على البحث العلمي الطبي هو قليل ما دام هدفو هو انقاذ حياة.. و بخصوص أفريقيا برجع قول نفس الشي.. مانو الإنفاق عالبحث العلمي هو اللي عم يحرم أفريقيا من موارد ملائمة و إنما انفاقات أخرى عديمة الإنسانية تماماً...
و شكراً
تحية الك