[تــامر]

كاتب النص الأصلي : gabriel

ليش يا استاذ ما ادركوا بحواسي ؟! وما معقول الوصف السابق بينطبق على شيء خيالي ؟!
طيب سؤال الك
انا اذا حابب افبرك شي قصة وما بدي حدى يكشفها شو المطلوب مني وكيف بدي أمن لحالي ان ما انكشف ؟!
انا بجاوبك عنك
مطلوب مني اولا اني ارفع المادية عن الكائن الموصوف خوفا من وصعه تحت المجهر وتحليله وبالتالي اكساب الطابع الروحي لله كان جدا موفق بهي بالنقطة ، مع محاولة وضع التفاسير انه الله " مثل الهواء نستطيع ان نشعر به لكن لا نراه "
بس صاحبك الفهمان اللي شبه الله بالهواء نسي ان الهواء ظاهرة ممكن نراقبها عن طريق الفعل اللي بتخلفه ورائها يعني انا بعرف هوا وقت بشوف الشجر عبميل لهيك بقدر الاحظ اثره الفيزيائي هي اول خطا وقع فيه اول " داهية " واللي تاريخيا اسمه ابراهيم الخليل .
تانيا : شيء حسي لا يمكن ادراكه ولا يمكن وضعه تحت المختبر ما بتسأل حالك اكيد معناها هاد موجود اذا ما عندي وصف دقيق اله وما عندي دليل لوجوده شو هوي دليلك الدامغ اللي بأكد لك انه فعلا موجود ؟!


اخوي نحن على طاق الاخوية عملنا سطل مقدس يعني مانها صعب كتير اننا نقدر نكتب كام شغلة ونقول " هذا من عند الله " على مبدا فسر الماء بالماء حضرتك عبتحكي .

على الهامش : تعمدت اني ما رد على الآية اللي انت جاية مشان ما نخصص الحكي بأحد الأديان

حضرتك جايب لي كيوبيد وزيوس امممم طيب انت بتعرف ان الجنة جاي وصفها في النسخة الاسلامية مطابقا للجزيرة اللي كان عايش فيها باخوس او ديناسوس ؟!؟! هل تعلم ان ديناسوس بحسب الاساطير الاغريقية عاش بجزيرة يمر فيها نهر من الخمر .
كيف بدك صدق الجنة مثلا هلق بعقد ما عرفت انها فكرة اغريقية بحتة !؟ بدك ياني صدقها معناها عبتطلب مني صدق انه في زيوس وعبتطلب مني آمن انه في كيوبيد وفي اثينا وفي وفي وفي وفي يعني انت هلق نزلت بمفارقة غريبة انك عبنتقد وصف الآلهة الاغريقية بالوقت اللي وصف الآلهة باكتر من ناحية جاء مطابق تماما لوصف الآلهة الاغريقية .

ما هاد اللي حكيناه سيادة الانسان عبر العصور عبد البقرة إيمانا منه انها انها آلهة وعبد عبر مسيردته المذلة كتير من الآلهة منها الحجر آخر شي قدر يوصل لوصف لا يمكن ضحضه ولا يمكن مناقشته واللي هوي " الروح " مشان يجي شخص متلك يقول لنا " الله عير مرئي " .

هي الجملة حتطلع مع العربي حصرا لأن العربي بتسأله بكرا جاي بقول لك " ان شاء الله " بتسألي بدك تجي بقول لك " باذن الله " فكلمة " الله " صاير متل منحكي بالقصة وصاير ذكرها بالحديث مجازيا وليس بمعناه الحرفي يعني انا بقول " ان شاء الله " معناها فعلا عبنتظرمشيئة الله !؟!؟ ولا هيك متعود اقول ؟!


عندك دليل على كلامك انه الانسان سيكون في مكان آخر بعد مماته !؟! عبتحكي وعبتستعمل كلمة " يثبت " وكأن بين ايديك عشرات ومئات الحالات الاثباتية بالوقت اللي فيه مافي ولا دليل واحد ولا واحد وانا بقد كلمتي على وجود حياة اخرى فقبل ما تستخدم كلمات من نمط " اثبات " فكر شوي بدليل بيدعم هاد " الاثبات "



يا اخي اول تلوينة بالأحمر فعلا بدها تفسير وبعيف الجواب الك انه انت عبتقول عن الله" ماكر " فكيف بدك ياني نقتنع بروح ماكرة خبيثة ؟! واذا كان الله ماكر فشو ترك للشيطان ؟!
طبعا عبحكي معك بحسب الاسطورة اللي انا بحب اسميها اسطورة " الثائر والدكتاتور " واللي بمفهومكم " اسطورة الله والشيطان "
تاني تلوينة بالأحمر : الرجاء تحتفظ شوي بلباقة الحديث احسن ما ينط لك واحد يقول انك عبتعطي احكام مسبقة لأن في كتير عالم مني وجر وصل لهي المرحلة بناء على تفكير وتفكير كتير عميق وبحوث يمكن اذا ذكرت اسماء الكتب بدي مشاركة من 15 سطر فيا ريت ما تحط احكام مسبقة احسن ما يجي واحد يقول لك كل المؤمنين متل الجيجات ما حدا منهم بيسترجي يشغل مخه وبالتالي ما بيختلف عن بقية الكائنات الحية بشي " اذا اعتبرنا ان العقل هو المميز بين الانسان والكائنات الاخرى "


سمعان بفكرة شخصنة الموضوع والموضوعية بالحديث ولا مانها مارة عليك !؟!
"ان شاء الله " يكون حاطط مطرحة بجهنم انت ما من حقك تعقب على الشخص طالما الحديث لا يدور حوله نحن عمنحكي هون فكرة فالرجاء عدم " شخصنة " الحوار .

شكلك تعبت اخي وانت تكتب

رح جيبلك اكم قصة اريحك ، من هذا الهوس ، اليوم
في شغله صغيره بس
لو بعرف انو نقاشكم ، هيك كلو بالعامية ، كنت رحت على جيما كاترس ابولوين