[krimbow]

رح احكيلكم قصة عن الجلاء العظيم

يمكن بيذكرولكم بكتب التاريخ انو الجلاء تم بعد مفاوضات بالامم المتحدة

هالشي صحيح

بس في قصة رائعة يجب ان تروى حول هالموضوع

كان مندوب سوريا للامم المتحدة وقتها هوي "فارس بيك الخوري"، جد الاديبة "كوليت خوري".
قبل انعقاد جلسة المفاوضات، راح فارس بيك على مقر الامم المتحدة قبل موعد انعقاد الجلسة الخاصة بجلاء الفرنسي عن سوريا

بمقر الجلسات، بيكون في كراسي، كل كرسي لاحد مندوبي الامم المتحدة، و قدام كل كرسي في علم الدولة الممثلة
صاحبنا فارس بيك، راح و قعد ع المقعد المخصص للمندوب الفرنسي
و بلشت هالوفود تجي ع مقر الامم المتحدة، و يستغربوا من موقف فارس بيك يللي سمعة رجاحة عقلو كانت سابقتو لهنيك

و فات المندوب الفرنسي، توجه نحو مقعدو يللي قاعدلو عليه فارس بيك، و طلب منو بسخف انو يقوم
صار يقللو "حبيبي هون مقعدي، هنيك مقعدك مطرح مو محطوط علم بلادك"
و فارس بيك يتطلع بساعتو و ما يرد عليه
رجع المندوب الفرنسي "لك يا عيوني، هاد المقعد يللي قاعد عليه انت مقعدي ... قوم حليق على مقعدك"
و فارس بيك يتطلع بساعتو و ما يرد عليه
بلش يعصب و يفور و يغلي المندوب الفرنسي، و يسبو و يحاول يهجم عليه ليضربو لفارس بيك و المندوبين يهدوه
هيــــــــــــــــــــــــــــــــــــــــــــــــ ـــــــــــــــــك
لمضى 25 دقيقة بالتمام و الكمال
وقتها، قام فارس بيك، و قللو للمندوب الفرنسي "قعدت على مقعدك 25 دقيقة قمت القيامة و ما قعدتها، انتوا صرلكم قاعدين ببلادنا و على قلوبنا 25 سنة.... ما بيحقلنا نثور و نطالب باستقلالنا ؟؟؟"