رح بلش أنا بالرد
احتمال كبير اني ما اتحالف مع حدا .....أنا بطبيعتي ما بحب التحزب....و الحالة الوحيدة اللي ممكن اني اتحزب فيها هي أني كون انا زعيم الحزب .... بعتقد أنو بحالة حرب أهلية أخوية ...رح خوض الحرب مستقلاً
اقتباس:
هل رح تخوض الحرب بطريقة شريفة ...أو ممكن أنك تعمل أي شي...شو ما كان لتربح الحرب ؟
|
مع احترامي الك يا حشت نشت ...سؤالك غبي
مافي شي اسمو حرب شريفة ...كيف يعني حرب و شريفة !!!!
اذا كان المطلوب اني اربح الحرب...طبعا رح اعمل اي شي ....شو ما كان لحتى اربح الحرب ...اما شريفة و لطيفة و سعاد و فاتن و نجاح ...ما بينفعوك منوب منوب منوب وقت بكون القصف شغال فوق راسك ....
اقتباس:
هل أنت مستعد أنك تستشهد الكترونيا في سبيل قضيتك الأخوية ؟؟
|
لاء .....لا الكترونيا و لا غير الكترونيا .....يعني أنا ما رح ارمي حالي باتجاه الموت ....لأنو اذا بدي ضحي بحالي في سبيل قضيتي ...شو رح يضل لقضيتي معنى ؟؟
طبعا ...بنفس الوقت الموت ..و بهالحالة اسمو الشهادة ما رح يكون رادع الي بالحرب ..بس يعني اذا استشهدت ...اتأكدو تماما أني ما رح كون مبسوط و أنا شهيد .....حتى لو سمي ع اسمي عشر مدارس ثانوية و حطو فيهن احلا صبايا
اقتباس:
شو رح يكون شعورك اذا كلفت باغتيال احد اكتر الاشخاص القريبين منك بالمنتدى و اللي طلع للأسف بالمعسكر التاني اثناء هالحرب ؟؟
|
العمى ...هي حقيرة
أنو شو رح يكون شعوري؟؟؟ شعور تافه ....رح حاول أنو ما يكون عندي شعور ..... رح يكون عندي كذا يوم لازم اشتغل فيهن ع حالي ...غسيل دماغ ذاتي يعني ...لحتى اوصل لقناعة مطلقة أنو هالشخص صحي هو كان من زمان اقرب انسان الي ..بس هو تغير كتير ...و صار ندل و حقير و جبان و كافر
و أنو اذا هالشخص ما قتلتو ...هو أكيد رح يقتلني .......و هيك بكون قدرت نفذ العملية و ضميري مرتاح ....و بنفس الوقت بكون انا مقتنع تماما أنو الشخص اللي انا قتلتو هو تماما غير الشخص اللي كان عزيز عليي
و الله ظريفة الحرب الأهلية .....شي تسالي يعني .... عم فكر أنو هيك اذا صار شي حرب أهلية ...رح كثف اتصالاتي مع شي سعودي رافع راسو .....و خلي يسحب شي كم واحد من موديلو ..مشان يجو يفجرو حالن بالاقسام المعادية ......و طبعا بكون وعدتن انو بس يموتو رح ينكتبلن عمر جديد بمنتدى المشرفين ..و انو لكل واحد رح يطلعلو ليلى و سورية مشتاقة و وايت روز
J.S: Death is the solution to all problems. No man = No problem.