[Nirvana]

من الواضح انو الشعوب العربية فاهمة غلط ..
نحنا مفكرين أنو إسرائيل هي معتدية على أراضينا، وعم تقتل بأبناءنا، وتسرح وتمرح في المنطقة على كيفها .. وتخطط وترسم وتتآمر.

بس راح خبركم خبرية ..
إسرائيل عم بتدافع عن حالها ضد الإرهاب العربي..
هادا اللي عم يحكو بالدول الغربية .. إعلامهم ومسؤوليهم ..
وزيرة الخارجية الأمريكية ، الصحف الألمانية ، وغيرو غيراتو ..
وحتى أبو العضلات أرنولد شوارتزينيجر حاكم كاليفورنيا .. صار الو صوت وعم بيقول أنو إسرائيل بتدافع عن نفسها !!
هادا كلو غير النشامى العرب (رؤساءومسؤولين) من ذوي الانتماء الإسرائيلي والأمريكي ..!

بدكم الصحيح الموازين انقلبت ..
يمكن لازم تغيرو ميزانكم ..
اللي بدو ميزان جديد يتوجه إلى أقرب دولة عربية .. للاستفسار 11111111008 ، المكالمات مجانية ، هدفنا غسيل دماغكم ..

هزلت .. ايه .. هزلت .