[خيالات واوهام]

كاتب النص الأصلي : manalak

انو شو الهدف من الموضوع بدكم تعملوا فتنة طائفية بالبلد ؟؟؟؟؟؟؟؟؟؟
هلق منتدى محجوب عدد أعضائه كم ألف بيعملوا فتنة طائفية؟؟ بطلوها هي شغلة التهويل.
انا بستغرب من ها الناس يلي بتحكي هيك عا اساس لو اجا واحد سني وحكم البلد حيكون احن من امنا علينا مو هيك وربي لتشوفوا الويل عا ايدو
مين قلك انو كلنا سنيين انا مو سني ولا حتى مسلم بعدين كمان بطلوها هلتخويف من القادم التغيير قانون من قوانين الوجود بعد 10 او 20 او 80 سنة التغيير سيحدث.
انتو شعب متمرد اذا اجا سني ولا علوي ولا مسيحي ولا درزي بدكم تعترضوا وتتمردوا بس يار ريتكم بنهاية شعب بيبستاهل الواحد يتعب من شانو بس همكم تحكوا
عفواً بصفتك شو عم تقييم الشعب السوري بعدين مين قلك تتعب مشانا انت حل عنا وما بدني شي يستر عرضك بعدين هادا الحكي اسمو حرية تعبير أكيد عنك بالفرع ما بحبوا هالكلمة معون حق بتجيب وجع راس.
بعدين روحوا ا حكو لجماعة حقوق الانسان عا اللي عم يصير عندو ببلدون من ظلم وتعدي وبطريئكم ذكرون بالمجازر يلي عم تصير بالعراق وفلسطين ولبنان ابل ما يجوا يتفصحنوا هون
مين جاب سيرة حقوق الإنسان ولا هي اسطوانة بتحطا بكل المواضيع حقوق الإنسان دائماً بتشير بتقاريرها للتجاوزات في البلدان المذكورة بعدين هلق اذا الإسرائليين والأمريكان عم ينتهكوا حقوق الفلسطينيين والعراقيين هادا الشي بيعطي اجهزة الأمن السورية انتهاك حقوق الإنسان السوري؟؟؟؟؟؟؟؟
نصيحة اقرأ مقالة حقوق التساوي مع إسرائيل قمعياً للمفكر السوري عبد الرزاق عيد
وسورية باذن الله مارح ترضخ لهي النعرات والسموم يلي عم يبثوها باسم الدين
حضرتك الناطق الرسمي بأسم سوريا؟؟؟؟ معظم يلي عم يكتبوا هون لا دينيين
وبشار الاسد الله يحمي بدو يضل عا راس الكل
على راسك لحالك، أنا ما بدي حدا عراسي، انا بالنسبة لي رئيس الجمهورية هو موظف في منصب عالي وحساس يقبض راتبه من أموال الضرائب التي أدفعها
والحدود مفتوحة
لأ مسكرة بوش رياض سيف وكتير من مناضلين الداخل الي حرموا حتى من حق العلاج كمان مسكرة بوش ألوف المهجرين وعائلاتون اللي حتى ولو كانوا مجرميين فانوا مرور 25 سنة كفيلة بإسقاط الجرم مهما كان مو هيك؟؟؟
يلي ما بدو سورية واسدها فيكم تروحوا لعند جماعة حقوق الانسان وعيشوا تحت جناحون
كلنا بدنا سوريا وهي مو مزرعتك حتى تقلعنا منا بس بدك نحن سوريين ولدنا سوريين ومنموت سوريين واذا الظروف غربتنا فسنعود يوما
وبطريئكم سلموا عا بوش وعامخططات بوش وخبروا انو سورية مو متل لبنان فيون يفوتلها بطرق متل هي
باسم الدين واذا الدين بدو يفرء ولاد البلد الواحد ويخلي امريكا وغيرها يصير الها ايد عا البلد انا من هلا بعلن الحادي
لك كل ما ضرب الكوز بالجرة بوش بوش منقول جوعانين بتقولوا ديمقراطية الأميركان بالعراق بنقول بدنى حرية بتقولوا حرية الأمريكان بأبو غريب منقول حقوق الإنسان السوري بتقولوا غوانتنامو لك حبيبي هي شغلة التخوين والتهديد وهالأسطوانة البعثية والله صارت قديمة ومكشوفة وما عادت مرقت على حدى شو رأيكون تجيبوا خبراء من كوريا الشمالية وكوبا حتى توصلوا للرأي العام السوري

مشان تعرفوا انو في طائفية بسوريا ولا لأ شوفوا منيح اسماع مذيعات التلفزيون والفضائية السورية