اقتباس:
وقت كلمة مسؤول بتصير مساوية تماما لكلمة سلطة منكون وصلنا نقطة بتهوي
هذا الكلام لك ،
هل تقصد ان السلطة الحاكمة في سوريا ، هي في موقع المسؤول وليس في موقع من يمتلك السلطة ؟
حسناً ، أين يمكن ان نجد في العلوم السياسية أ في الدستور السوري أو في النضريات العالمية والمحلية ما يؤيد حديثك بان الرئيس بشار مسؤول ، وليس صاحب سلطة ؟
|
لو من الأول رادد هيك بدون ما تنطلي بامتناعك عن الرد ما كان صار مشكلة
على كل حال بدي اتغاضى عن الشي اللي قلته لأن مو واجبي وضح الرد خصوصا بعد ما لاحظت فهمك الخاطئ لردي .
وقت مننظر للمسؤول على انه رجل يملك سلطة فبهي الحالة منكون عما نقتل فكرة المسؤولية من اصلها
المسؤول شخص يملك
مهام ، والسلطة متنها اكتر وسيلة بتساعده على تحقيق مهامه .
ووقت بدنا نعتبر السلطة او " الإنتقام الشرعي " احد اسباب وجود المسؤولين بحيث انك بتلخص وجود الدولة والنظام الحاكم ودورن بعملية " الانتقام الشرعي " او بمعنى آخر بعملية استخدام السلطة ، منكون فعلا وصلنا للنقطة البتهوي .
اقتباس:
كاتب النص الأصلي : هاملت
علماً بأن مفهوم السلطة والانتقام الشرعي ينقسم بين السلط الثلاث التشريعية والتنفيذية والقضائية ، لكن انا ركزت على السلطة برأس الهرم ، والمديونية لا تكون اتجاه مؤسسات إنما أفراد ، حسب تعريف الباحث ، إذا عندك اعتراض على مصطلح السلطة أو المديونية بإمكانك مراسلة الجامعات واقتراح مصطلح المسؤولية انطلاق من مبدأ مسؤولية بشار الأسد أو تعديله في كليات الجامعات السورية على الأقل وأخذ برائة اختراع في ذلك .
|
شايف انك بعدت كتير عن الموضوع الاساسي !
انا ما اعترضت على المصطلح ، اعتراضي كان على استخدام المصطلح بوصف علاقة الشعب السوري مع النظام الحاكم .
ما بعرف شو هية مرجعيتك وشو هية الدراسات اللي وصلت فيها لنقطة بأن الشعب السوري بحب النظام انطلاقا من احساسه بأن النظام قدمله اشياء كتير ومن واجبه الموالاة اله !!
من خلال احتكاكك مع الشب ممكن تلاقي عالم بتحب النظام وبتحب القائمين عليه لأنه ضامن له حقوقها ، ممكن تشوف عالم بتحب النظام غصبا عنها وما قادرة تعبر عن رايها الصريح ، بس فكرة انه الشعب بيشعر بالمديونية للنظام لهيك دائما بينحاز لصالحه اول مرة بسمع فيها هون بهاد المقال وما لمست الها ايا بعد على ارض الواقع .