اقتباس:
كاتب النص الأصلي : butterfly
مصدر الخبر لو سمحت ؟
مين الجهة اللي محررة الخبر؟ |
المصدر سوريا الحرة  وفيكن تتأكدو انو المصدر وكل مين ناقل الخبر عن المصدر محجوب عندي
هلق يا صديقي هالخبر مصداقيتو عندي انا شخصيا ً .. نزلت للنصف عندما قريت مصدر مطلع " مع انو في حالات متل هي .. وارد جدا انو يرفض التصريح عن اسمو خبر متل هاد بيطير راسو "
هادا رأي .. عم يمرقو الكاتب او الصحفي اللي ما قدرت اعرف منو هوي ..  على أنو خبر
يعني فينك تكتب مقالة كاملة ويكتب رأيو عن كل اوضاع المعتقلين بسوريا .. وتدعى حينها " مقالة رأي" بس ما فينو يمرقلي خبر على لسان شخصية سورية ويبطنا برأيو ..
هالنوع من الصحافة مصداقيتو تساوي مصداقية الثورة والبعث وتشرين .. وكمالة الشلة
بداية ليش عم اتهجم عالزلمي ..
واحد انو ما بيجوز يأسقط الصفات الاعتبارية لاشخاص ويزيد لاشخاص تانيين
يعني " العقيد ماهر الأسد " والرئيس بشار الأسد
والدكتور عارف دليلة .
يعني مالا علاقة ابدا بقناعات الكاتب الشغلة ..
وحتى لو بقناعة الكاتب انو بشار هوي بشار ونقطة .. ما بيجوز يمرق قناعاتو تحت ستار الخبر هاد ..
تنين :
اقتباس:
|
وفاز فيه بنسبة 97.62 % من أصوات الناخبين ( حسب النتيجة الرسمية !! )
|
يعني لو بيقدر يحط سمايليز .. الصحفي كان حط بعد إشارتين التعجب سمايلي عم يغمز 
وأيضا ً وأيضا ُ عم يمرر رأيو للقارئ وكأنو حقيقة .
تلاتة :
اقتباس:
|
وإطلاق سراح عدد من معتقلي
|
أسمن معتقلين سياسيين ... لو سمتن احدى الجهات خونة الوطن بتكون منحازة وغير احترافية ولو سمون معتقلي الضمير بيكونو منحازين بالاتجاه المعاكس ..
أغلب الظن انو الخلاف " الشديد بحسب تعبيره للكاتب " صار حسب توقعات الكاتب واستقرائو للأحداث بس ..
لهيك المقالة بالنسبة لألي فاقدة قيمتها والخبر كذلك
يسلمو
|